ភ្នំពេញ៖មន្ត្រីនគរបាលស័ក្តិ៤ នៃមន្ទីរប្រឆាំងបទល្មើសគ្រឿងញៀនម្នាក់ សង្ស័យមានវិបត្តិផ្លូវចិត្ត ធ្ងន់ធ្ងរមិនអាចដោះស្រាយបាន សម្រេចចិត្តបាញ់សម្លាប់ខ្លួនឯងទាំងកណ្តាលយប់។ករណីធ្វើអត្តឃាតបង្កភ្ញាក់ផ្អើលនេះ ស្ថិតនៅតាមផ្លូវ៥៣BT ភូមិត្នោតជ្រំ សង្កាត់បឹងទំពុនទី១ ខណ្ឌមានជ័យ កាលពីរំលងអធ្រាត្រឈានចូលថ្ងៃទី២៨ ខែមីនា។
![](https://cambodiaflashnews.com/wp-content/uploads/2021/06/top-banner.gif)
មន្ត្រីអាជ្ញាធរបានឱ្យដឹងថា អត្តឃាតជនឈ្មោះ ស៊ុម រី អាយុ៥៤ឆ្នាំ បម្រើការងារ ក្នុងអគ្គស្នងការដ្ឋាននគរបាលជាតិ ផ្នែកមន្ទីរប្រឆាំងគ្រឿងញៀន ស្នាក់នៅភូមិសង្កាត់ខាងលើ។
ក្រុមគ្រួសារបានឱ្យដឹងថា មុនកើតហេតុ ពួកគាត់ជាប្អូនៗបានដេកនៅខាងលើផ្ទះ។ចំណែកបងបានសម្រាកខាងក្រោមតែម្នាក់ឯង។លុះដល់ម៉ោងជាង២រំលងអធ្រាត្រក៏មានស្នូរផ្ទុះកាំភ្លើង មួយគ្រាប់។ភ្លាមៗនោះពួកគាត់ក៏នាំគ្នាចុះទៅមើលស្រាប់តែឃើញបងបានបាញ់ខ្លួនឯង ចំសៀតផ្កាស្លាប់បាត់ទៅហើយ។
ប្រភពដដែលបានបន្តថា កន្លងមកអត្តឃាតជនមានជំងឺរ៉ាំរ៉ៃនៅក្នុងខ្លួនដូចជា ជំងឺថ្លើម-ក្រពះនិងពោះវៀនជាយូរមកហើយ ដោយមិនចង់ឱ្យក្រុមគ្រួសារពិបាករកលុយព្យាបាល ទើបគាត់សម្រេចចិត្តយកកាំភ្លើងបាញ់សម្លាប់ខ្លួនឯងបែបនេះតែម្តង៕ដោយ៖វិចិត្រ