កងកម្លាំងការពារជាតិអ៊ុយក្រែនបានរាយការណ៍កាលពីថ្ងៃអាទិត្យថា បានបើកការវាយលុកបករុស្ស៊ីជាង៥០ដងនៅតាមខ្សែបណ្តោយជួរមុខភាគខាងកើត បង្អាក់ដំណើរការរុលរបស់រុស្ស៊ី។
សេចក្តីសង្ខេបព័ត៌មានពេលល្ងាចថ្ងៃអាទិត្យទី ២៦ ខែមីនា ឆ្នាំ២០២៣ របស់អគ្គសេនាធិការនៃកងកម្លាំងប្រដាប់អាវុធអ៊ុយក្រែនបានឲ្យដឹងថា ក្រុមអ្នកការពារអ៊ុយក្រែនបានវាយបកវិញនូវការវាយប្រហាររបស់រុស្ស៊ីជាង ៥០ លើកនៅតាមខ្សែបន្ទាត់ជួរមុខ Lyman, Bakhmut, Avdiivka និង Mariinka ជាកន្លែងដែលកងទ័ពអរិភាពកំពុងរុលទៅមុខ។ សេចក្តីថ្លែងការណ៍បានថ្លែងអំណរអរគុណចំពោះសកម្មភាពប្រកបដោយវិជ្ជាជីវៈ និងសម្របសម្រួលរបស់អ្នកការពារអ៊ុយក្រែនដែលបានវាយលុកសត្រូវបង្អាក់ដំណើរការរុលបានច្រើនគួរឲ្យកត់សម្គាល់។
សេចក្តីរាយការណ៍បានបន្តថា អំឡុងពេលថ្ងៃ ខាងរុស្ស៊ីបានបើកការវាយលុកមកវិញក្នុងទិសដៅជាច្រើននៃខេត្តដូណេត ក៏ប៉ុន្តែមិនមានការផ្លាស់ប្តូរប្លែកណាមួយគួរឲ្យកត់សម្គាល់ឡើយ។ ជាក់ស្តែងដូចជានៅលើរណសិរ្ស Volyn, Polissia, Sivershchyna និង Slobozhanshchyna រុស្ស៊ីបានត្រឹមតែបាញ់ផ្លោងប៉ុណ្ណោះ តែមិនមានសេចក្តីរាយការណ៍ពីការដណ្តើមកន្លែងណាមួយឡើយ៕
ប្រភព៖ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា