ដោយ៖ ប្រសិទ្ទ
ភ្នំពេញ៖ រដ្ឋបាលខេត្តកំពង់ចាមបានត្រៀមរៀបចំការដង្ហែមកដល់នៃព្រះអគ្គិជ័យកីឡា និងការរត់ភ្លើងគប់ពីប្រទេសឡាវដែលនឹងប្រព្រឹត្តនៅថ្ងៃទី ២៨ ខែមីនា និងថ្ងៃទី ៥ ខែមេសា ឆ្នាំ ២០២៣ ខាងមុខនេះ។
បើតាមការបញ្ជាក់ពីលោក ខ្លូត ចិន្តា អភិបាលរងខេត្តកំពង់ចាមបានឲ្យដឹងនៅថ្ងៃទី ២៧ ខែ មីនា នេះថា រដ្ឋបាលខេត្តនឹងប្រារពពិធីទទួលព្រះអគ្គិជ័យកីឡា និងការរត់ភ្លើងគប់ជាពីរដំណាក់កាល ហើយធ្វើការដង្ហែជុំខេត្តជាប់បឹងទន្លេសាប។ ការដង្ហែព្រះអគ្គិជ័យកីឡា និងការរត់ភ្លើងគប់ដំណាក់កាលទីមួយ នៅថ្ងៃទី ២៨ ខែមីនា ដោយធ្វើដំណើរចាប់ពីស្ពានគីហ្សូណា ក្រុងកំពង់ចាម ទៅដល់ព្រំប្រទល់ស្រុកមុខកំពូល ខេត្តកណ្តាល។ ដោយឆ្លងកាត់ក្រុងកំពង់ចាម, ស្រុកកំពង់សៀម, ស្រុកព្រៃឈរ, ស្រុកជើងព្រៃ និងស្រុកបាធាយ នឹងមានកន្លែងអបអរសាទរចំនួន ១១កន្លែង ក្នុងចម្ងាយផ្លូវប្រវែង ៨១.២០ គីឡូម៉ែត្រ។
លោកបញ្ជាក់បន្ថែមថា ដំណាក់កាលទីពីរ នៃការដង្ហែព្រះអគ្គិជ័យកីឡា និងការរត់ភ្លើងគប់ឆ្លងកាត់ខេត្តកំពង់ចាមនៅថ្ងៃទី ៥ ខែឧសភា ចាប់ពីព្រំប្រទល់ស្រុកតាំងគោក ខេត្តកំពង់ធំ ដល់ស្រុកមុខកំពូល ខេត្តកណ្តាលដដែល ដោយឆ្លងកាត់ស្រុកជើងព្រៃ និងស្រុកបាធាយ មានប្រវែងផ្លូវ ៨០,៣៥ គីឡូម៉ែត្រ៕
