ដោយៈផាវី
![](https://cambodiaflashnews.com/wp-content/uploads/2021/06/top-banner.gif)
កែប៖ក្រុងកែប ត្រូវបានកំណត់ចក្ខុវិស័យជា”ទីក្រុងទំនើបមានខ្យល់ អាកាសធម្មជាតិបរិសុទ្ធ ឆ្នេរសមុទ្រដែលស្អាតសម្រាប់ការស្នាក់នៅប្រកបការងារនិងទេសចរណ៍ដែលមានគុណភាពបរិស្ថានរស់នៅល្អ ផាសុកភាព និងសុភមង្គលល្អ។
លោក ជា សុផារ៉ា ឧបនាយករដ្ឋមន្តី រដ្ឋមន្ត្រីក្រសួងរៀបចំដែនដីន គរូបនីយកម្មនិងសំណង់និងជាប្រធានគណៈកម្មាធិការជាតិគ្រប់គ្រងនិងអភិវឌ្ឍតំបន់ ឆ្នេរសមុទ្រកម្ពុជាបានថ្លែងដូច្នេះនៅក្នុងពិធីសម្ពោធបើកដំណើរការជាផ្លូវការនូវគម្រោងឆ្នេរសមុទគំរូរបស់រីសតថ្ងៃបាំងឆត្រកាលពីចុងសប្តាហ៍ ។
ការកំណត់ចក្ខុវិស័យដូច្នេះ គឺតាមរយៈការអភិវឌ្ឍ ៖១)គោលដៅទេសចរណ៍ឆ្នេរសមុទ្រ កោះ ធម្មជាតិ ដែលស្អាតបំផុត ២)ទីក្រុងបៃតង បុរីលំនៅឋានស្ងប់ស្ងាត់ មជ្ឈមណ្ឌលការងារ ធុរកិច្ច អប់រំសិក្សាស្រាវជ្រាវដែលមានហេដ្ឋារចនាសម្ព័ន្ធសេវាកម្មនិងគុណភាពបរិស្ថានរស់នៅបៃតងធម្មជាតិល្អប្រណីតប្រកបដោយសុភមង្គល៣)គ្រប់គ្រងនិងអភិបាលកិច្ចល្អ៤)ចីរភាពតុល្យភាពនិងសមាហរណកម្ម ការអភិវឌ្ឍប្រកបដោយទឹកសមុទ្រខៀវស្រងាត់ និងខ្យល់អាកាសល្អបរិសុទ្ធ និង ៥)ជ័យលាភីទីក្រុងឆ្នេរសមុទ្រ ដែលស្អាតបំផុត ដែលមានភ្ញៀវទេសចរជាតិនិងអន្តរជាតិមកសម្រាក លផ្នែកម្សាន្តគ្រប់រដូវកាល។
ក្នុងគោលដៅសម្រេចចក្ខុវិស័យក្រុងកែបនេះរាជរដ្ឋាភិបាល បានអនុញ្ញាតជូនគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា អនុវត្តគម្រោងអភិវឌ្ឍរមណីយដ្ឋានឆ្នេរខ្សាច់ កម្សាន្តសាធារណៈកម្រិតខ្ពស់ដែលមានប្រវែង ២ ៧០០ម៉ែត្រ ដោយ មានរៀបចំសួនច្បារសាធារណៈឆ្នេរខ្សាច់កម្សាន្តសាធារណៈស្ថាបនាវិថីនិងអនុវិថីចូលឆ្នេរសមុទ្រជាដើម៕