តាកែវ៖កម្លាំងនគរបាលស្រុកបាទី បានចាប់បុរសម្នាក់ករណីវាយព្រះចៅអធិការឱ្យរបួសជាច្រើនកន្លែង ព្រោះតែរឿងខឹងលោកសង្ឃមិនឱ្យចូលវត្ត ត្រូវនាំទៅតុលាការនៅថ្ងៃនេះ។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឱ្យដឹងថា កាលពីថ្ងៃទី២២ ខែមីនា ជនសង្ស័យម្នាក់ចូលទៅក្នុងវត្តបានវាយព្រះចៅអធិការបណ្តាលឱ្យរងរបួសព្រះកេស៣កន្លែងនិងថ្ពាល់ ហើយរត់គេចខ្លួន។ក្រោយមកត្រូវផ្នែកជំនាញខេត្តសហការចុះស្រាវជ្រាវចាប់ខ្លួន។
ជនសង្ស័យឈ្មោះ គង់ ណែត អាយុ២៦ឆ្នាំ នៅភូមិក្រាំប្រទាល ឃុំដូង ស្រុកបាទី ខេត្តតាកែវ មានប្រើប្រាស់គ្រឿងញៀនថ្នាំ។ មុនកើតហេតុ ជនសង្ស័យតែងតែអុកឡុកក្នុងទីអារាម ត្រូវបានព្រះចៅអធិការដេញមិនឱ្យចូលវត្ត។ ពេលនោះរូបគេខឹងហើយបានវាយទៅលើព្រះសង្ឃបណ្តាលឱ្យរងរបួសតែម្តង។
ព្រះសង្ឃរងគ្រោះព្រះនាម វាល់ លិន ព្រះជន្ម៧១វស្សា គង់នៅវត្តប្រាសាទមានជ័យ ក្នុងភូមិក្រាំងប្រទាល ខេត្តតាកែវ។
ក្រោយកើតហេតុសមត្ថកិច្ចបានតាមចាប់ខ្លួនជនសង្ស័យយកមកកសាងសំណុំរឿងដើម្បីចាត់ការតាមច្បាប់៕ដោយ៖វិចិត្រ