ប៉ៃលិន៖ក្មេងស្រី២នាក់ត្រូវជាបងប្អូនជីដូនមួយ បាននាំគ្នាបេះផ្លែអម្ពិលទឹកនៅជាប់មាត់ស្រះបានរអិលជើងធ្លាក់ចូលទឹកបណ្តាលឱ្យលង់ស្លាប់ម្នាក់។
![](https://cambodiaflashnews.com/wp-content/uploads/2021/06/top-banner.gif)
អ្នកភូមិបានឱ្យដឹងថា ក្មេងស្រីស្លាប់ក្នុងស្រះទឹកនៅភូមិស្ទឹងកាច់ ស្រុកសាលាក្រៅ ខេត្តប៉ៃលិន កាលពីព្រលប់ថ្ងៃទី២០ ខែមីនា។
ប្រភពដដែលបានបន្តថា ក្មេងស្រីដែលស្លាប់ឈ្មោះ ប៊ុន សុម៉ាវត្តី អាយុ៤ឆ្នាំ។ក្មេងស្រីម្នាក់ទៀតត្រូវជាបងជីដូនមួយឈ្មោះប៊ុន ស្រីមុំ អាយុ៧ឆ្នាំ បានប្រាប់ថា មុនកើតហេតុ ពួកខ្លួនបាននាំគ្នាទៅបេះផ្លែអម្ពិលទឹកនៅជិតស្រះទឹក។
ពេលកំពុងតែបេះ ស្រាប់តែផ្លែអម្ពិលទឹកបានជ្រុះចូលក្នុងស្រះ ហើយប្អូនស្រីចុះឈោងដៃទៅយកផ្លែអម្ពិលទឹកដែលជ្រុះនោះ បណ្ដាលឱ្យរអិលជើងធ្លាក់ចូលទៅក្នុងទឹកលង់ស្លាប់មុនពេលអ្នកភូមិនិងសមត្ថកិច្ចបានចុះទៅដល់។ ក្រោយមកកម្លាំងនគរបាលប៉ុស្តិ៍ឃុំស្ទឹងកាច់បាន ស្រង់យកក្មេងស្រីដែលលង់ទឹកស្រះនោះ។បន្ទាប់ពិនិត្យរួច សមត្ថកិច្ចប្រគល់សពឱ្យក្រុមគ្រួសាររៀបចំធ្វើបុណ្យ៕ដោយ៖វិចិត្រ