ខេត្តព្រះសីហនុ៖មកដល់ព្រឹកថ្ងៃទី២០ ខែមីនានេះ ចំនួន២ករណីហើយសមត្ថកិច្ចមិនទាន់បានបញ្ជាក់ពីមូលហេតុចិនម្នាក់ទៀតធ្លាក់ពីលើសណ្ឋាគារយីហោ“LZ”ក្នុងក្រុងព្រះសីហនុស្លាប់នោះនៅឡើយ។
![](https://cambodiaflashnews.com/wp-content/uploads/2021/06/top-banner.gif)
មន្ត្រីអាជ្ញាធរបានឱ្យដឹងថា កាលពីថ្ងៃទី១៩ ខែមីនា មានបុរសជនជាតិចិនម្នាក់ បានធ្លាក់ពីលើសណ្ឋាគារយីហោ“LZ” ស្ថិតនៅជិតផ្លូវចូលសាលារៀន អូរទី២ ក្នុងសង្កាត់លេខ៤ ក្រុងព្រះសីហនុបណ្តាលឱ្យស្លាប់។ ក្រោយកើតហេតុ សពបុរសចិននោះមិនទាន់ស្គាល់អត្តសញ្ញាណនៅឡើយទេ។ប៉ុន្តែកម្លាំងនគរបាលជំនាញផ្នែកកោសល្យវិច័យខេត្តព្រះសីហនុ បានចុះត្រួតពិនិត្យ។
ជំហានដំបូងសមត្ថកិច្ចមិនទាន់បញ្ជាក់ថា ជាករណីអ្វីនោះទេ ដោយដឹកទៅទុកនៅសាលរក្សាសព នៃមន្ទីរពេទ្យបង្អែកខេត្ត ដើម្បីរង់ចាំសេចក្តីសម្រេចពីស្ថានទូតចិនប្រចាំកម្ពុជា និងបើកការស៊ើបអង្កេតរកមូលហេតុនៃការស្លាប់នេះ។
មន្ត្រីដដែលបានបន្តថា កាលពីថ្ងៃទី១៧ ខែមីនាសប្ដាហ៍មុន មានបុរសចិនម្នាក់បានធ្លាក់ពីលើសណ្ឋាគារយីហោ“ឡាជូស”ស្ថិតក្នុងភូមិ៣ សង្កាត់លេខ២ ក្រុងព្រះសីហនុ ដោយមិនទាន់ដឹងមូលហេតុនៃការស្លាប់នៅឡើយ។ករណីទី២នេះបុរសចិនម្នាក់ទៀតបានធ្លាក់ពីលើសណ្ឋាគារស្លាប់ ស្ថិតនៅសណ្ឋាគារយីហោ“LZ” ជិតផ្លូវចូលសាលារៀនអូរទី២ ក្នុងសង្កាត់លេខ៤ ក្រុងព្រះសីហនុ កាលពីថ្ងៃទី១៩ ខែមីនា សមត្ថកិច្ចបើកការស្រាវជ្រាវបន្តទៀត៕ដោយ៖វិចិត្រ