នាយករដ្ឋមន្រ្តីហ្វាំងឡង់ ប្រកាសបើកការពិភាក្សាលើការបរិច្ចាគយន្តហោះចម្បាំងដល់អ៊ុយក្រែន ចំពេលដែលមានការអង្វរកេខ្លាំងពីរដ្ឋបាលលោកហ្សេឡិនស្គី។
![](https://cambodiaflashnews.com/wp-content/uploads/2021/06/top-banner.gif)
នាយករដ្ឋមន្ត្រីហ្វាំងឡង់ លោកស្រី Sanna Marin បាននិយាយថា លោកស្រីបានបើកចំហក្នុងការពិភាក្សាអំពីការផ្តល់យន្តហោះចម្បាំងដល់អ៊ុយក្រែន ទោះបីជាប្រឈមមុខនឹងការរិះគន់ក្នុងស្រុកក៏ដោយ។ ការពិភាក្សានឹងធ្វើឡើងលើប្រភេទយន្តហោះចម្បាំងជំនាន់ចាស់អាម៉េរិកទសវត្សរ៍៨០ F/A-18 ដែលវាអាចហោះបានជិត២០០០គីឡូម៉ែត្រក្នុងមួយម៉ោង។ ជាយន្តហោះអាចចល័តគ្រប់អាកាសធាតុ មានម៉ាស៊ីនភ្លោះ មានសមត្ថភាពដឹកជញ្ជូន ជាយន្តហោះប្រយុទ្ធពហុមុខងារ ដែលត្រូវបានរចនាឡើងជាយន្តហោះចម្បាំង និងយន្តហោះវាយប្រហារ។
ថ្លែងទៅកាន់អ្នកយកព័ត៌មានកាលពីថ្ងៃចន្ទសប្តាហ៍នេះ លោកស្រី Sanna Marin ថា “យើងមានយន្តហោះចម្បាំង F35 ថ្មីនឹងមកដល់ … នៅពេលដែល F/A-18 Hornets ចាស់ៗទាំងនេះត្រូវបានជំនួសចេញ យើងអាចពិភាក្សាអំពីការប្រើប្រាស់នាពេលអនាគតរបស់ពួកគេ”។
ការពិភាក្សាកើតឡើង ចំពេលដែលរដ្ឋបាលលោកហ្សេឡិនស្គី ប្រធានាធិបតីអ៊ុយក្រែនបានអង្វរករនូវអាវុធបន្ថែមពីសម្ព័ន្ធមិត្ត ដើម្បីយកទៅទប់ទល់នឹងការកើនឡើងខ្លាំងរបស់រុស្ស៊ីនៅសមរភូមិទីក្រុងបាក់មុត ខេត្តដូណេតភាគខាងកើត៕
ប្រភព៖ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា