ភ្នំពេញ៖បុរសម្នាក់ទំនងជាស្រវឹង បានបើករថយន្តម៉ាកកាមរីបាឡែន ក្នុងល្បឿនលឿន ជ្រុលទៅបុករបងផ្ទះគេពេញទំហឹងបណ្ដាលឱ្យខូចខាតយ៉ាងដំណំ។ហេតុការណ៍នេះបានកើតឡើងស្ថិតនៅតាមផ្លូវលេខ២៧១ ក្នុងសង្កាត់ស្ទឹងមានជ័យទី១ ខណ្ឌមានជ័យ កាលពីរំលងអធ្រាត្រចូលថ្ងៃទី១៤ ខែមីនា។
![](https://cambodiaflashnews.com/wp-content/uploads/2021/06/top-banner.gif)
អ្នកឃើញហេតុការណ៍បានឱ្យដឹងថា ដំបូងរថយន្តម៉ាក Toyota Camry បាឡែនផ្លាកលេខភ្នំពេញ 2O-5698 បើកពីជើងទៅត្បូងក្នុងល្បឿនលឿន។
មកដល់កន្លែងខាងលើ ដោយស្ថានផ្លូវកោងក៏ជ្រុលទៅបុករបងផ្ទះអ្នកភូមិពេញទំហឹង បណ្ដាលឱ្យបាក់មួយផ្ទាំង។រីឯរថយន្តបានរងការខូចខាតមួយចំហៀងយ៉ាងដំណំ។បន្ទាប់មកគេឃើញតៃកុងបើកទ្វារចេញមានរបួសតិចតួចតែមិនបង្កគ្រោះថ្នាក់ដល់អ្នកដទៃនោះទេ។ ក្រោយកើតហេតុ ផ្នែកជំនាញបានចុះមកយករថយន្តបង្កទៅរក្សាទុកនៅនគរបាលចរាចរណ៍ រាជធានីភ្នំពេញដើម្បីរង់ចាំម្ចាស់ចូលខ្លួនដោះស្រាយ៕ដោយ៖វិចិត្រ