សៀមរាប៖អគ្គិភ័យបានឆាបឆេះព្រះរាជដំណាក់តូចក្នុងក្រុងសៀមរាប ត្រូវបានក្រសួងព្រះបរមរាជវាំង ចេញសេចក្តីប្រកាសព័ត៌មានថា បណ្តាលមកពីឆ្លងចរន្តអគ្គិសនី។
គួរបញ្ជាក់ថា ករណីអគ្គិភ័យបានឆាបឆេះព្រះរាជដំណាក់តូចយ៉ាងសន្ធោសន្ធៅ បង្កឱ្យមានការភ្ញាក់ផ្អើល នៅមុខព្រះអង្គចេក ព្រះអង្គចម ស្ថិតក្នុងភូមិមណ្ឌល១ សង្កាត់ស្វាយដង្គំ ក្រុងខេត្តសៀមរាប កាលពីយប់ថ្ងៃទី១២ ខែមីនា។
ជំហានដំបូងសមត្ថកិច្ចខេត្តសៀមរាបបានសន្និដ្ឋានគឺមូលហេតុបណ្តាលមកពីការធ្វេសប្រហែសរបស់ក្រុមជាងដែលខុសបច្ចេកទេស។ពេលនោះកម្លាំងចម្រុះបានជួយចេញរថយន្តបាញ់ទឹកពន្លត់។
នៅព្រឹកថ្ងៃទី១៣ ខែមីនានេះ យោងតាមសេចក្តីប្រកាសព័ត៌មានរបស់ក្រសួងព្រះបរមរាជវាំង បានឱ្យដឹងថា អគ្គិភ័យដែលបានឆាបឆេះអគារព្រះរាជដំណាក់តូចខេត្តសៀមរាប កាលពីយប់ថ្ងៃទី១២ ខែមីនានោះ គឺបណ្ដាលមកពីការឆ្លងចរន្តអគ្គិសនី៕ដោយ៖វិចិត្រ
