ប៉ៃលិន៖ស្ត្រីម្នាក់បានជិះម៉ូតូឌុបកូនតូចចំនួន៣នាក់ ដល់ផ្លូវកោងស្រាប់តែជ្រុលហួសធ្លាក់ចូលប្រឡាយបណ្តាលឱ្យរងរបួសធ្ងន់ទាំង៤នាក់តែម្តង។
មន្ត្រីនគរបាលបានឱ្យដឹងថា ហេតុការណ៍នេះបានកើតឡើងស្ថិតនៅភូមិទំនប់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន កាលពីរសៀលថ្ងៃទី២៦ខែកុម្ភៈ។
មន្ត្រីដដែលបានបន្តថា គ្រោះថ្នាក់ខាងលើដោយសារស្ត្រីម្នាក់ជិះម៉ូតូឌុបកូនតូច៣នាក់ក្នុងល្បឿនលឿន។ ពេលទៅដល់ផ្លូវកោងកាច់ចង្កូតមិនទាន់ក៏ជ្រុលហួសធ្លាក់ចូលប្រឡាយបង្កឱ្យរងរបួសទាំងម្តាយនិងកូនៗបែបនេះ។
ស្តី្ររងគ្រោះឈ្មោះ ទឹម សុខមី អាយុ៤២ឆ្នាំ នៅភូមិអូរកន្ធៀងវ៉ា ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ជិះម៉ូតូម៉ាកហុងដាឌ្រីម។ក្រោយកើតហេតុ អ្នករងរបួសត្រូវបានបញ្ជូនទៅមន្ទីរពេទ្យបង្អែកខេត្តប៉ៃលិនភ្លាមៗ។ចំណែកម៉ូតូត្រូវបានសមត្ថកិច្ចមូលដ្ឋានយកទៅរក្សាទុករង់ចាំតំណាងជនរងគ្រោះមកទទួលយកទៅវិញ៕ដោយ៖វិចិត្រ