បាត់ដំបង៖រថយន្តស៊េរីទំនើបម៉ាកកាមរីបាឡែនមួយគ្រឿងត្រូវភ្លើងឆាបឆេះអស់ទាំងស្រុងខណ:ម្ចាស់បានចតទុកនៅមុខផ្ទះ។
មន្ត្រីមូលដ្ឋានបានបញ្ជាក់ឱ្យដឹងថា ករណីភ្លើងឆេះរថយន្តនេះបានកើតឡើងនៅម្តុំទីប្រជុំជនក្នុងភូមិអូរដា ឃុំអូរដា ស្រុកកំរៀង ខេត្តបាត់ដំបង កាលពីរំលងអធ្រាត្រចូលថ្ងៃទី២៤ ខែកុម្ភ: ។
ម្ចាស់រថយន្ដឈ្មោះ ឆោម ឆវ័ន្ដ អាយុ៤៣ឆ្នាំ ប្រពន្ធឈ្មោះ ឃូយ សោភ័ណ អាយុ៣០ឆ្នាំ នៅភូមិឃុំខាងលើ។ចំណែករថយន្តដែលរងការឆេះបំផ្លាញម៉ាកកាមរីបាឡែនផ្លាកលេខបាត់ដំបង2B-9224។ក្នុងករណីនេះបង្កឱ្យខូចខាតរថយន្តទាំងស្រុងដោយមិនអាចជួយស្រោចស្រង់ស្ថានការណ៍ឱ្យទាន់ពេលវេលាបានឡើយ។
ក្រោយការសាកសួរជនរងគ្រោះ សមត្ថកិច្ចបានសន្និដ្ឋានថា រថយន្តបានឆេះដោយសារឆ្លងចរន្តភ្លើង ព្រោះរថយន្តមានបញ្ហាប្រព័ន្ធខ្សែភ្លើងប៉ុន្មានថ្ងៃមុនមកម៉្លេះ៕
ដោយ: ព្រះអង្គខ្មៅ
