ភ្នំពេញ៖ ក្មេងស្រីសិស្សសាលា៣នាក់ ជិះម៉ូតូឌុបគ្នាក្នុងល្បឿនលឿន បានបុកជាមួយម៉ូតូរ៉ឺម៉កដឹកនំបញ្ចុក ហើយរ៉ឺម៉កក្រឡាប់ ចំណែកម៉ូតូធ្លាក់ចូលទឹកប្រឡាយ ធ្វើឱ្យរងរបួស៣នាក់។ហេតុការណ៍នេះបានកើតឡើងនៅផ្លូវជាតិលេខ៤ ភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ កាលពីល្ងាចថ្ងៃទី២៣ ខែកុម្ភៈ។
![](https://cambodiaflashnews.com/wp-content/uploads/2021/06/top-banner.gif)
មន្ត្រីប្រចាំគោលដៅបានឱ្យដឹងថា បុរសម្ចាស់រ៉ឺម៉កឈ្មោះភ័ក្រ្ក មករា អាយុ២៤ឆ្នាំ អ្នកលក់នំបញ្ចុក នៅភូមិទួលត្នោត ស្រុកអង្គស្នួល ខេត្តកណ្ដាល។ចំណែកក្មេងស្រី៣នាក់-ឈ្មោះតាល់ ស្រីពេជ្រ-ឈ្មោះហុល លីហេង និងឈ្មោះ វន សុជាតា។ពួកគេជាសិស្សសាលាមានអាយុ១៤ឆ្នំា នៅភូមិកន្ទោកខាងជើង សង្កាត់កន្ទោក ខណ្ឌកំបូល បានរងរបួសត្រូវបានគេជួយដឹកទៅមន្ទីរពេទ្យភ្លាមៗ។
មុនកើតហេតុ ម៉ូតូសណ្តោងរ៉ឺម៉កដឹកនំបញ្ចុកបានបត់ឆ្លងផ្លូវ ស្រាប់តែបុកជាមួយម៉ូតូស្កុបពី ជិះដោយក្មេងស្រីសិស្សសាលា៣នាក់បណ្តាលឱ្យរ៉ឺម៉កក្រឡាប់ម្ចាស់របួសបន្តិចបន្តួច ។ រីឯខាងម៉ូតូខ្ទាតធ្លាក់ចូលទឹកប្រឡាយធ្វើឱ្យក្មេងស្រី៣នាក់រងរបួសទាំង៣នាក់តែម្តង។
ក្រោយកើតហេតុ សមត្ថកិច្ចបានយកមធ្យោបាយទាំង២គ្រឿងទៅរក្សាទុក រង់ចាំដោះស្រាយ ពេលក្រោយ៕ដោយ៖វិចិត្រ