កំពង់ស្ពឺ៖ក្មេងស្រីម្នាក់ជិះម៉ូតូមកបុកកុងតឺន័រកំពុងចតចំពីក្រោយពេញទំហឹង ហើយដួល ត្រូវរថយន្តផ្សេងមួយគ្រឿងទៀតមកកិនបណ្តាលឱ្យស្លាប់មួយរំពេច។គ្រោះថ្នាក់នេះ បានកើតឡើងនៅផ្លូវជាតិលេខ៥១ ម្តុំភូមិថ្មគោល ស្រុកសំរោងទង ខេត្តកំពង់ស្ពឺ កាលពីយប់ថ្ងៃទី២៣ ខែកុម្ភៈ។ សមត្ថកិច្ចបានឱ្យដឹងថា ក្មេងស្រីរងគ្រោះបាត់បង់ជីវិតឈ្មោះវន រតនា អាយុ១៧ឆ្នាំ នៅភូមិត្រពាំងក្រឡូង ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ។
![](https://cambodiaflashnews.com/wp-content/uploads/2021/06/top-banner.gif)
មុនកើតហេតុ រថយន្តកុងតឺន័រម៉ាកFUSO ផ្លាកលេខភ្នំពេញ3B-1313 បានខូចចតតាមផ្លូវលេខ៥១ ។ពេលនោះមានក្មេងស្រីម្នាក់ជិះម៉ូតូម៉ាកហុងដាស្កុបពីផ្លាកលេខកំពង់ស្ពឺ1W-6840 មកបុកកុងតឺន័រចំពីក្រោយពេញទំហឹងបណ្តាលឱ្យខ្ទាតមនុស្សទៅកណ្តាលផ្លូវ។
ភ្លាមនោះស្រាប់តែមានរថយន្តមិនស្គាល់ម៉ាក១គ្រឿងទៀតមកកិននាងបណ្តាលឱ្យស្លាប់ភ្លាមតែម្តង ហើយរថយន្តបង្កបានបើកគេចខ្លួនបាត់។បន្ទាប់ពីកើតហេតុ នគរបាលចរាចរណ៍បានមកយករថយន្តកុងតឺន័រនិងម៉ូតូទៅទុកនៅប៉ុស្គិ៍នគរបាលសំបូរដើម្បីបន្តនីតិវិធី៕ដោយ៖វិចិត្រ