ស្រ្តីទីមួយអ៊ុយក្រែន Olena Zelenska ភរិយារបស់ប្រធានាធិបតីហ្សេឡិនស្គី បានប្រកាស ជំរុញឲ្យអង្គការសហប្រជាជាតិបង្កើតតុលាការសម្រាប់ការកាត់ទោសឧក្រិដ្ឋកម្មរបស់រុស្ស៊ី។
![](https://cambodiaflashnews.com/wp-content/uploads/2021/06/top-banner.gif)
លោកស្រី Zelenska បានប្រាប់កិច្ចប្រជុំពិសេសមួយនៅអង្គការសហប្រជាជាតិស្តីពីការ រំលោភសិទ្ធិមនុស្សនៅអ៊ុយក្រែនថា “ខ្ញុំគិតថាអ្នកនឹងយល់ព្រម… ដោយមិនគិតពីប្រទេស ឬសញ្ជាតិរបស់យើង យើងមានសិទ្ធិមិនត្រូវបានគេសម្លាប់នៅក្នុងផ្ទះរបស់យើង” ។ លោកស្រី បានប្រាប់ក្រុមអ្នកការទូតអង្គការសហប្រជាជាតិតាមវីដេអូថា “ទោះជាយ៉ាងណាក៏ដោយ ជនជាតិអ៊ុយក្រែនកំពុងត្រូវបានសម្លាប់នៅចំពោះមុខ ពិភពលោក ទាំងមូលពេញមួយឆ្នាំហើយនៅក្នុងទីក្រុង ភូមិ ផ្ទះល្វែង មន្ទីរពេទ្យ រោងភាពយន្តរបស់ពួកគេ”។ លោកស្រី Zelenska បានបន្តថា “នោះហើយជាមូលហេតុដែលយើងអំពាវនាវឱ្យអង្គការសហប្រជាជាតិបង្កើតតុលាការពិសេសមួយសម្រាប់ឧក្រិដ្ឋកម្មនៃការឈ្លានពានរបស់រុស្ស៊ី”។
សូមជម្រាបថា នេះមិនមែនជាលើកទីមួយទេដែលអ៊ុយក្រែនបានជំរុញស្នើទៅកាន់ ភាគីអន្តរជាតិ។ អ៊ុយក្រែនបានស្នើអស់រយៈពេជាច្រើនខែហើយសម្រាប់ការបង្កើតសាលាក្តីនេះ ដើម្បីធ្វើយ៉ាងណាចាប់ជនឈ្លានពានមកកាត់ទោស៕
ប្រភព៖ REUTERS
ប្រភពរូប៖REUTERS
ប្រែសម្រួល៖សុខ តុលា