អ្នកជំនាញយោធារុស្ស៊ីលើបញ្ហាអ៊ុយក្រែនបានជឿជាក់ថា សង្រ្គាមអាចនឹងបញ្ចប់នៅឆ្នាំនេះ បើទោះបីជាវាហាក់កើនឡើងភាពតានតឹងក៏ដោយ។
![](https://cambodiaflashnews.com/wp-content/uploads/2021/06/top-banner.gif)
ខណៈដែលខួបមួយឆ្នាំនៃសង្គ្រាមនៅអ៊ុយក្រែនកំពុងខិតជិតមកដល់នៅថ្ងៃសុក្រសប្តាហ៍នេះ ភ្នាក់ងារសារព័ត៌មានអាល់ចាហ្សេរ៉ា បានធ្វើបទសម្ភាសន៍ផ្ទាល់ជាមួយលោក Pavel Felgenhauer ដែលជាអ្នកវិភាគការពារជាតិរុស្ស៊ី បានបម្រើការជាមន្ត្រីស្រាវជ្រាវជាន់ខ្ពស់នៅក្នុងបណ្ឌិត្យសភាវិទ្យាសាស្ត្រសូវៀត បានឲ្យដឹងតម្រុយជាមូលដ្ឋានខ្លះៗពីសង្រ្គាមដែលអាចនឹងត្រូវបានបញ្ចប់នៅឆ្នាំនេះ។ អ្នកជំនាញលោក Felgenhauer ធ្លាប់បានបោះពុម្ពផ្សាយយ៉ាងទូលំទូលាយអំពីគោលនយោបាយការបរទេស និងការពារជាតិរបស់រុស្ស៊ី គោលលទ្ធិយោធា ពាណិជ្ជកម្មអាវុធ និងឧស្សាហកម្មយោធា-ឧស្សាហកម្ម បានបង្ហាញការជឿជាក់ថា សង្រ្គាមទំនងជានឹងកើនឡើងខ្លាំងរវាងភាគីទាំងពីរនាពេលដ៏ខ្លីខាងមុខ ប៉ុន្តែគេចមិនរួចនឹងត្រូវបញ្ចប់នៅឆ្នាំនេះហើយ។ សួរថាតើភាគីណានឹងដណ្តើមបានជ័យជម្នះក្នុងសង្រ្គាមនេះ? Felgenhauer បានប្រាប់មិនខុសគ្នានឹងអ្នកជំនាញភាគច្រើនដែរ គាត់និយាយថា វាគឺមិនអាចទាយទុកជាមុនបានទេ។ ប៉ុន្តែលោកជឿថា សមរភូមិក្តៅនៅពេលនេះគឺជិតមកដល់ហើយ។ ការកើនឡើងនៅក្នុងការប្រយុទ្ធ; មនុស្សគ្រប់គ្នាសុទ្ធតែដឹងហើយអំពីការវាយលុកខ្លាំងរបស់ រុស្ស៊ី។
មេបញ្ជាការយោធាលោកខាងលិចនៅទីក្រុងប្រ៊ុចសែលក៏កំពុងនិយាយអំពីរបៀបដែលអ៊ុយក្រែនគួរតែបន្តការវាយលុកដែរ។ ឧត្តមសេនីយ៍ Mark Milley ប្រធានអគ្គសេនាធិការចម្រុះ អាម៉េរិក បានផ្តល់ដំបូន្មានថា រុស្ស៊ីបានបាត់បង់យុទ្ធសាស្ត្រ ប្រតិបត្តិការ និងយុទ្ធសាស្ត្រ អូសបន្លាយសង្រ្គាមមិនបានសម្រេច ដូច្នេះអ៊ុយក្រែនគួរតែប្រុងជើងការវាយចេញទៅ បញ្ចប់រុស្ស៊ីតែម្តងទៅ៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា