ប្រធានាធិបតីអាម៉េរិកលោកចូបៃដិន បានសន្យាថានឹងពង្រឹងសន្តិសុខថាមពលរបស់ប្រទេសប៉ូឡូញឲ្យបានរាប់ជំនាន់ទៅមុខ ក្រោយប្រទេសនេះបានចេញមុខយ៉ាងក្លាហានគាំទ្រដល់អ៊ុយក្រែន។
![](https://cambodiaflashnews.com/wp-content/uploads/2021/06/top-banner.gif)
ក្នុងអំឡុងទស្សនកិច្ចបន្តជើងនៅទីក្រុង Warsaw ប្រទេសប៉ូឡូញកាលពីថ្ងៃអង្គារ បន្ទាប់ពីចេញពីអ៊ុយក្រែន ប្រមុខថា្នក់ដឹកនាំអាម៉េរិកលោកចូបៃដិន បានសំដែងការប្តេជ្ញាចិត្តយ៉ាងខ្លាំងក្លាជាមួយប៉ូឡូញ ក៏ដូចជាសម្ព័ន្ធមិត្តណាតូ។ បៃដិនបានលើកសរសើរកប់ៗមាត់ទៅកាន់ប្រធានាធិបតីប៉ូឡូញលោកឌូដាថា “ខ្ញុំចង់អរគុណលោកប្រធានាធិបតី [ឌូដា] ចំពោះរបៀបដែលប៉ូឡូញកំពុងគាំទ្រអ៊ុយក្រែន”។ “វាពិតជាមិនគួរឲ្យជឿ ដែលអ្នកបានស្វាគមន៍បើកឲ្យប្រជាជនអ៊ុយក្រែនប្រមាណ ១,៦ ទៅ ១,៧ លាននាក់ជ្រកកោន។ “យើងបានបញ្ជាក់ជាថ្មីនូវការប្តេជ្ញាចិត្តរបស់យើងចំពោះការសន្យាសន្តិសុខរបស់អង្គការណាតូ រួមទាំងការធានាថា ទីបញ្ជាការសម្រាប់កងកម្លាំងរបស់យើងនៅអឺរ៉ុបនឹងស្ថិតនៅក្នុងប្រទេសប៉ូឡូញ។ យើងក៏កំពុងចាប់ផ្តើមភាពជាដៃគូយុទ្ធសាស្ត្រថ្មីជាមួយនឹងផែនការសាងសង់រោងចក្រថាមពលនុយក្លេអ៊ែរ និងជំរុញសន្តិសុខថាមពលរបស់ប្រទេសប៉ូឡូញសម្រាប់រាប់ជំនាន់ក្រោយៗទៀត”។
ចាប់តាំងពីផ្ទុះសង្រ្គាមដំបូងមក ប៉ូឡូញគឺជាអ្នកជិតខាងដែលមិនងាយរកបានរបស់អ៊ុយក្រែន។ ប៉ូឡូញបានចេញមុខមិនខ្លាចញញើតនឹងរុស្ស៊ី ដោយបានផ្តល់ជាជំនួយមនុស្សធម៌ និងអាវុធ បញ្ចុះបញ្ចូលសម្ព័ន្ធមិត្តខ្នះខ្នែងស្វែងរកជំនួយខាងក្រៅបន្ថែមផ្តល់ជូនអ៊ុយក្រែន។ គិតត្រឹមចុងឆ្នាំ២០២២ រដ្ឋាភិបាលប៉ូឡូញបានជួយជំនួយសរុបទាំងមនុស្សធម៌ និងយោធាប្រមាណ ១.៧ពាន់លានដុល្លារអាម៉េរិក៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា