ភ្នំពេញ៖ កម្លាំងនគរបាលខណ្ឌដូនពេញ បានឃាត់ខ្លួនស្រ្តីម្នាក់ពាក់ព័ន្ធករណីលួចគ្រឿងអលង្ការមានតម្លៃជិត៥០០០ដុល្លារ ត្រៀមបញ្ជូនទៅតុលាការ។ករណីខាងលើបានកើតឡើងនៅមុខផ្សារផេនសល់មាត់ទន្លេ ផ្លូវព្រះស៊ីសុវត្ថិ សង្កាត់ចតុមុខ ខណ្ឌដូនពេញ កាលពីល្ងាចថ្ងៃទី២១ខែកុម្ភៈ។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឱ្យដឹងថា កម្លាំងនគរបាលជំនាញខណ្ឌដូនពេញ បានឃាត់ខ្លួនស្ត្រីម្នាក់តាមបណ្តឹង ពាក់ព័ន្ធករណីលួចគ្រឿងអលង្ការដែលមានតម្លៃ៤.៦៥០ដុល្លារនៅម្តុំផ្សារផេនសល់មាត់ទន្លេ សង្កាត់ចតុមុខ។
ស្ត្រីជាជនសង្ស័យឈ្មោះ សឿម ធារី អាយុ ៣៦ឆ្នាំ ស្នាក់នៅសង្កាត់ព្រែកប្រា ខណ្ឌច្បារអំពៅ។ចំណែកម្ចាស់សម្ភារ ឈ្មោះជាប ធី អាយុ២៩ឆ្នាំ ស្នាក់នៅផ្ទះជួល ផ្លូវព្រះមុន្នីវង្ស សង្កាត់ស្រះចក។
សមត្ថកិច្ចដកហូតវត្ថុតាង លោហ:មានតម្លៃ៤.៦៥០ដុល្លារចំនួន១ឈុត-ទូរសព្ទម៉ាកXaoml ១គ្រឿង នាឡិកាដៃម៉ាក MICHAEL KORS ពណ៌មាស១គ្រឿង ត្រូវបានប្រគល់ឱ្យម្ចាស់ដើមវិញ។បន្ទាប់មកផ្នែកជំនាញបានកសាងសំណុំរឿងត្រៀមបញ្ជូនជនសង្ស័យទៅតុលាការដើម្បីចាត់ការតាមផ្លូវច្បាប់៕ដោយ៖វិចិត្រ