ភ្នំពេញ៖ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ នៅព្រឹកថ្ងៃទី២១ ខែកុម្ភៈ ឆ្នាំ២០២៣ បានទទួលជួប ពិភាក្សាការងារជាមួយតំណាងក្រុមហ៊ុនកសិកម្ម និងធនាគារជប៉ុន នៅទីស្តីការក្រសួង។
ក្រុមហ៊ុនកសិកម្ម និងធនាគារជប៉ុនដែល ចូលជួបពិភាក្សាការងារនេះ មានដូចជា ក្រុមហ៊ុន Maru Co.,LTD, ក្រុមហ៊ុន CJCG Co.,LTD និងធនាគារ AFP Bank Subsidiary។
លោករដ្ឋមន្ត្រីបានបង្ហាញនូវការគាំទ្រចំពោះគម្រោងវិនិយោគរបស់ក្រុមហ៊ុនជប៉ុន ចំពោះការដាំជីរបន្លាក្នុងផ្ទះសំណាញ់តាមស្តង់ដារបស់ជប៉ុន សម្រាប់នាំចេញទៅកាន់ប្រទេសជប៉ុនផងដែរ។
លោករដ្ឋមន្ត្រី ឌិត ទីណា បានបញ្ជាក់ជូនភ្ញៀវថា ក្រសួងកសិកម្មត្រៀមខ្លួនជួយ ដើម្បីជួយឱ្យដំណើរការនេះប្រព្រឹត្តទៅបានរលូន និងទទួលបានជោគជ័យ។ ក្នុងការធ្វើការជាមួយកសិករ លោកក៏បានណែនាំដល់ក្រុមហ៊ុន ឱ្យកសាងទំនុកចិត្ត តាមរយៈការផ្ដល់បច្ចេកទេស ធានានូវការវិនិយោគជាពិសេសទីផ្សារសម្រាប់កសិករនៅពេលប្រមូលផល៕ដោយៈសុភក្ត្រា
