ភ្នំពេញ៖ ស្ត្រីម្នាក់ជិះម៉ូតូឌុបក្មេងស្រី ត្រូវរថយន្តធំសណ្ដោងទូកុងតឺន័រ បើកមកបុកចំពីក្រោយ ពេញទំហឹង បណ្ដាលឱ្យដួលនិងកិនអ្នកឌុបស្លាប់ រីឯក្មេងស្រីរងរបួស។គ្រោះថ្នាក់ចរារដ៏រន្ធត់នេះ បានកើតឡើងនៅតាមមហាវិថីចោមចៅ ក្នុងភូមិដំណាក់ធំ សង្កាត់ស្ទឹងមានជ័យទី៣ ខណ្ឌមានជ័យ កាលពីល្ងាចថ្ងៃទី២០ ខែកុម្ភៈ។
![](https://cambodiaflashnews.com/wp-content/uploads/2021/06/top-banner.gif)
អ្នកឃើញហេតុការណ៍បានឱ្យដឹងថា ដំបូងស្ត្រីម្នាក់បានជិះម៉ូតូម៉ាក Zoomer-X ផ្លាកលេខ បាត់ដំបង 1AC-9576 ឌុបក្មេងស្រីម្នាក់តាមផ្លូវចោមចៅពីលិចទៅកើត។មកដល់កន្លែងខាងលើ ស្រាប់តែមាន រថយន្តធំសណ្ដោងទូកុងតឺន័រ ផ្លាកលេខភ្នំពេញ 3B-1611 បើកយ៉ាងលឿនមកបុកចំពីក្រោយឱ្យដួល ហើយម៉ូតូគាបជាប់ក្រោមរថយន្តនិងកិនស្ត្រីជាអ្នកឌុបឱ្យស្លាប់ភ្លាម រីឯក្មេងស្រីរងរបួស។
ក្រោយហេតុការណ៍ តៃកុងរថយន្តបង្កបានចុះបម្រុងរត់គេចខ្លួន តែត្រូវអ្នកដំណើរនាំគ្នា ចាប់យកឱ្យ សមត្ថកិច្ចចាត់ការតាមច្បាប់។ក្រោយមកជំនាញចរាចរណ៍បាននាំយករថយន្តនិងម៉ូតូទៅទុកនៅ នគរបាលរាជធានីភ្នំពេញ រង់ចាំដោះស្រាយពេលក្រោយ៕ដោយ៖វិចិត្រ