ភ្នំពេញ៖របាយការណ៍ក្រសួងសាធារណការ និងដឹកជញ្ជូន បានឱ្យដឹងថា ឆ្នាំ២០២២កន្លងទៅក្រសួងបានចុះបញ្ជីយានយន្ដចំនួន ៥២០.៦១៦គ្រឿង ក្នុងនោះម៉ូតូ ៤៣៧ ៤៩៥ គ្រឿង រថយន្ដគ្រប់ប្រភេទ ៨៣ ១២១គ្រឿង ។ចំនួននេះមានការកើនឡើង ២,៧៦% បើធៀបនឹងឆ្នាំ២០២១ ដែលមានចំនួន ៥០៦២២៦គ្រឿង។
របាយការណ៍ដដែលបានឱ្យដឹងថា៖ចំពោះយានយន្តអគ្គិសនី គិតត្រឹមឆ្នាំ២០២២ ការចុះបញ្ជីយានយន្តអគ្គិសនីនៅកម្ពុជាមានចំនួ ៧៣១ គ្រឿងនិង មានស្ថានីយបញ្ចូលថាមពលយានយន្តដើរដោយថាមពលអគ្គិសនីចំនួន ៩ទីតាំង ដែលមាននៅទីស្តីការក្រសួងសាធារណការចំនួន៤នៅស្ថានីយប្រេង ឥន្ធនៈកាល់តិចចំនួន១ នៅផ្សារទំនើប AEON MALL សែនសុខចំនួន១ នៅខេត្តសៀមរាប ចំនួន១ នៅខេត្តបាត់ដំបងចំនួន១និងខេត្តព្រះសីហនុចំនួន១៕ដោយ ផាវី
