សៀមរាប៖បុរសម្នាក់មិនដឹងជាកើតហេតុអ្វី បានជាបើករថយន្តម៉ាកTOYOTA TACOMA ក្រឡាប់ធ្លាក់ចូលប្រឡាយទឹកស្អុយដោយខ្លួនឯង។ហេតុការណ៍នេះកើតឡើងនៅម្តុំភូមិតាភុល សង្កាត់ស្វាយដង្គុំ ក្រុងខេត្តសៀមរាប កាលពីថ្ងៃទី១៩ ខែកុម្ភ:។
![](https://cambodiaflashnews.com/wp-content/uploads/2021/06/top-banner.gif)
មន្ត្រីមូលដ្ឋានបានដឹងថា អ្នកបើកបរឈ្មោះប៊ុន ទី អាយុ ៣៥ឆ្នាំ នៅភូមិវិហារចិន សង្កាត់ស្វាយដង្គុំ ក្រុងខេត្តសៀមរាប។រថយន្តម៉ាកTOYOTATACOMA ផ្លាកលេខភ្នំពេញ 2BB-7312 ។
មុនកើតហេតុ រថយន្តខាងលើបានបើកបរលើផ្លូវមួយខ្សែក្នុងភូមិ។មកដល់កន្លែងខាងលើស្រាប់តែរេចង្កូតទៅរកបង្កាន់ដៃ ហើយជ្រុលក្រឡាប់ធ្លាក់ចូលប្រឡាយទឹកស្អុយតែម្តង។ករណីនេះបណ្ដាលឱ្យខូចខាតបង្កាន់ដៃប្រឡាយទឹកស្អុយមួយផ្ទាំងធំ-ខូចខាតរថយន្តធ្ងន់ធ្ងរ តៃកុងរងរបួសបន្តិចបន្តួច តែមិនបង្កគ្រោះថ្នាក់ដល់ជីវិតមនុស្សទេ។
ក្រោយកើតហេតុ ដោយពិនិត្យមិនមានរងគ្រោះថ្នាក់ដល់អ្នកដទៃ សមត្ថកិច្ចបានឱ្យខាងម្ចាស់រថយន្តជួសជុលបង្កាន់ដៃប្រឡាយឡើងវិញនិងស្ទូចយករថយន្តទៅជួសជុលខ្លួនឯង៕ដោយ៖វិចិត្រ