ភ្នំពេញ៖យានយន្តកែច្នៃមិនត្រឹមត្រូវតាមលក្ខណបច្ចេកទេសចំនួន ៩ ០០២គ្រឿង បានត្រូវគេរកឃើញ។ ចំនួននេះមានការថយចុះ ១០ភាគរយធៀបនឹងឆ្នាំ២០២១។នេះបើយោងតាមរបាយការណ៍របស់ក្រសួងសាធារណការនិងដឹកជញ្ជូន។
![](https://cambodiaflashnews.com/wp-content/uploads/2021/06/top-banner.gif)
របាយការណ៍ដដែលនេះ បានបង្ហាញថា៖ក្នុងឆ្នាំ២០២២ មានយានយន្តកែច្នៃខុសលក្ខណបច្ចេកទេសចំនួន ៥២ ៤៩៤គ្រឿងត្រូវបាន កំណត់អត្តសញ្ញាណ ហើយនៅក្នុងចំណោមនោះបានរកឃើញចំនួន ៩ ០០២គ្រឿង ជាយានយន្តកែច្នៃមិនត្រឹមត្រូវតាមលក្ខណៈបច្ចេកទេស។
គួរម្លឹកថានៅខែមេសា ឆ្នាំ២០២២ ក្រសួងបានដាក់ចេញវិធានការក្ដៅមកលើយានយន្តកែច្នៃមិនត្រឹមត្រូវតាមលក្ខណៈបច្ចេកទេសនិងគ្មានការអនុញ្ញាតពីក្រសួងដែលធ្វើឲ្យប៉ះពាល់ដល់ផ្នែកសុវត្ថិភាពរបស់យាននិងបានធ្វើឲ្យប្រែប្រួលអត្តសញ្ញាណសម្គាល់របស់រថយន្ត។
ក្រសួងបញ្ជាក់ថា ការកែច្នៃយានយន្តប៉ះពាល់ដល់ផ្នែកសុវត្ថិភាពរបស់យាន ដូចជាប្រព័ន្ធចង្កូត ប្រព័ន្ធទ្រសាក់ស៊ីនិងគ្រោងតួ ហើយក្រសួងមិនបានអនុញ្ញាតឲ្យចូលត្រួតពិនិត្យលក្ខណៈបច្ចេកទេស ឬចុះបញ្ជីផ្តល់បណ្ណសម្គាល់ និងបំពាក់ផ្លាកលេខសម្គាល់យានជំនិះឡើយ។ការធ្វើបែបនេះ ដើម្បីធានានូវសន្តិសុខសណ្តាប់ធ្នាប់ សុវត្ថិភាពនិងការគ្រប់គ្រងយានយន្តធ្វើចរាចរណ៍នៅលើផ្លូវថ្នល់៕