ភ្នំពេញ៖រដ្ឋមន្ត្រីក្រសួងប្រៃសណីយ៍ និងទូរគមនាគមន៍ លោក ជា វ៉ាន់ដេត បានមានប្រសាសន៍ឲ្យដឹងថា គម្រោងសាងសង់ខ្សែកាបអុបទិកក្រោមបាតសមុទ្រ ដែលតភ្ជាប់ពីទីក្រុងហុងកុង មកកាន់ក្រុងព្រះសីហនុប្រវែងជិត៣០០០គីឡូម៉ែត្របានចាប់ផ្តើមដំណើរការហើយ។
លោកបានឱ្យដឹងថា បណ្តាញខ្សែកាបអុបទិកក្រោមបាតសមុទ្រនេះនឹងបង្កើនសមត្ថភាពខ្ពស់ ក្នុងការផ្គត់ផ្គង់អ៊ីនធឺណិតល្បឿនលឿន។
លោក ជា វ៉ាន់ដេត បានបន្តថាគម្រោងតបណ្តាញខ្សែកាប អុបទិក ក្រោមបាតសមុទ្រពីក្រុង ហុងកុង-ក្រុងព្រះសីហនុ មានប្រវែង ២ ៧១៥គីឡូម៉ែត្រ ហើយគ្រោងនឹងបញ្ចប់នៅក្នុងឆ្នាំ ២០២៤។ បណ្តាញនេះ នឹងបង្កើនសមត្ថភាពខ្ពស់ ក្នុងការផ្គត់ផ្គង់អ៉ីនធឺណិតល្បឿនលឿន និងកាន់តែទូលំទូលាយនៅទូទាំងប្រទេស៕ដោយៈសុភក្ត្រា
