ប្រធានាធិបតីអ៊ុយក្រែន លោក Volodymyr Zelenskyy បានចេញនិយាយជាថ្មីសុំឲ្យសម្ព័ន្ធមិត្តបង្កើនការគាំទ្រផ្នែកអាវុធ ដើម្បីរារាំងមហិច្ឆតារបស់រុស្ស៊ី។
Zelenskyy បាននិយាយកាលពីថ្ងៃសុក្រ នៅឯសន្និសីទសន្តិសុខទីក្រុង Munich ក្នុងប្រទេសអាល្លឺម៉ង់ថា “វាគ្មានជម្រើសអ្វីដែលល្អជាងនេះទេ ព្រោះវាជាជម្រើសដែលជីវិតអាស្រ័យលើ”។ អ៊ុយក្រែនពឹងផ្អែកលើអាវុធរបស់លោកខាងលិច ដើម្បីរារាំងមហិច្ឆតារបស់ប្រធានាធិបតីរុស្ស៊ី វ្ល៉ាឌីមៀរ ពូទីន ក្នុងការដណ្តើមកាន់កាប់តំបន់ធំៗនៃប្រទេស។ បើទោះជាជំនួយយោធាបានក្លាយជាការស្មុគស្មាញបន្ថែមនៃការដោះស្រាយរបស់រដ្ឋាភិបាលបរទេស ខណៈដែលការចំណាយសម្រាប់ការគាំទ្រកើនឡើងទន្ទឹមនឹងការប្រឈមមុខនឹងអតិផរណាខ្ពស់ និងបញ្ហាសេដ្ឋកិច្ចផ្សេងទៀតក៏ដោយ លោកស្គីបាននិយាយទៅកាន់សម្ព័ន្ធមិត្តថា “អ្នកធ្វើនេះគឺមិនខុសទេ គឺការពារតម្លៃសេរីភាព និងលទ្ធិប្រជាធិបតេយ្យរបស់លោកខាងលិចប្រឆាំងនឹងរបបផ្តាច់ការ ហើយអ៊ុយក្រែនត្រូវតែបំពាក់ឱ្យបានល្អដើម្បីទប់ទល់នឹងកម្លាំងដ៏ធំរបស់រុស្ស៊ី”។
ជាមួយគ្នានេះ អធិការបតីអាល្លឺម៉ង់ Olaf Scholz ក៏បានជំរុញឱ្យសម្ព័ន្ធមិត្តផ្សេងទៀតធ្វើការបញ្ជូននូវរថក្រោះប្រយុទ្ធខ្លារខិនបន្ថែមទៀតដល់អ៊ុយក្រែនផងដែរ។ លោក Scholz បាននិយាយនៅឯសន្និសីទថា “បើអ្នកអាចបញ្ជូនរថក្រោះប្រយុទ្ធបែបនេះទៅបាន គួរតែធ្វើវាឥឡូវនេះទៅ កុំចាំទៀតអី” “ធ្វើយុទ្ធនាការឲ្យខ្លាំងដើម្បីសម្ព័ន្ធមិត្តដោះស្រាយបញ្ហានេះ”។ ចំពោះ អាល្លឺម៉ង់ រដ្ឋាភិបាលបានប្រកាសនូវការផ្តល់ជូនរថក្រោះខ្លារខិន១៤គ្រឿងរួចហើយ ខណៈក៏គ្រោងនឹងបន្ថែមរថក្រោះខ្លារខិនស៊េរីចាស់ៗច្រើនគ្រឿងបន្ថែមទៀតផងដែរ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា
