កំពង់ស្ពឺ៖តាមបណ្តឹងរបស់ម្តាយ កម្លាំងនគរបាលស្រុកថ្ពង កាលពីថ្ងៃទី១៦ ខែកុម្ភៈ បានចាប់ជនសង្ស័យម្នាក់ ពាក់ព័ន្ធចាប់រំលោភសេពសន្ថវៈប្អូនស្រីបង្កើតត្រូវបញ្ជូនទៅតុលាការ។
![](https://cambodiaflashnews.com/wp-content/uploads/2021/06/top-banner.gif)
ករណីនេះបានកើតឡើងនៅស្រុកថ្ពង ខេត្តកំពង់ស្ពឺ កាលពីអំឡុងឆ្នាំ២០២២ ដល់ថ្ងៃទី១៦ ខែ កុម្ភៈ ឆ្នាំ២០២៣។មន្ត្រីនគរបាលស្រុកថ្ពងបានឱ្យដឹងថា ជនសង្ស័យ អាយុ២៤ឆ្នាំ ជាកម្មកររោងចក្រ ត្រូវជាបងប្រុសបង្កើត។ចំណែកក្មេងរងគ្រោះអាយុ១៤ឆ្នាំ។អ្នកទាំង២នាក់នៅស្រុកថ្ពង ខេត្តកំពង់ស្ពឺ។
ក្រោយឃាត់ខ្លួន ជនសង្ស័យបានឆ្លើយសារភាពថា ខ្លួនបានចាប់រំលោភសេពសន្ថវៈលើប្អូនស្រីបង្កើតពិតប្រាកដមែន ពីព្រោះខ្លួនតែងតែប្រើគ្រឿងញៀនជាញឹកញាប់ ហើយចូលចិត្តមើលវីដេអូអាសអាភាស រួចខ្លួនក៏មានអារម្មណ៍ចង់រួមភេទ ទើបបង្ខំចិត្តចាប់រំលោភប្អូនស្រីបានសម្រេចចំនួន៣លើក។
បន្ទាប់ពីសាកសួរជនសង្ស័យរួច នគរបាលខេត្តកំពង់ស្ពឺបានរៀបចំកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕ដោយ៖វិចិត្រ