អ៊ុយក្រែនអះអាងថា បានប្រើប្រព័ន្ធការពារដែនអាកាសបាញ់ទម្លាក់បាឡុងចារកម្មរុស្ស៊ីចំនួន ៦ហោះពីលើទីក្រុងកៀវកាលពីថ្ងៃពុធ ទី១៥ ខែកុម្ភៈ ឆ្នាំ២០២៣។
សេវាសារព័ត៌មានរបស់រដ្ឋបាលយោធាទីក្រុង Kyiv (KCMA) បានឲ្យដឹងថា គោលដៅអាកាសរបស់សត្រូវប្រហែលប្រាំមួយត្រូវបានគេរកឃើញនៅក្នុងដែនអាកាសរបស់ទីក្រុង Kyiv។ យោងតាមព័ត៌មានដែលកំពុងត្រូវបានបញ្ជាក់ ទាំងនោះគឺជាបាឡុងចារកម្មដែលផ្លាស់ទីក្នុងលំហដែលរងឥទ្ធិពលខ្យល់។ ជាលទ្ធផល គោលដៅអាកាសទាំងអស់ត្រូវបានវាយប្រហារទម្លាក់ដោយប្រព័ន្ធការពារអាកាសអ៊ុយក្រែន។ ព័ត៌មានលំអិត៖ រដ្ឋបាលយោធាទីក្រុង Kyiv បានរាយការណ៍ថា បាឡុងទាំងនោះអាចផ្ទុកឧបករណ៍ឆ្លុះបញ្ចាំងមុំ និងឧបករណ៍ឈ្លបយកការណ៍។
យោងតាម KCMA បានឱ្យដឹងទៀតថា គោលបំណងនៃការបាញ់បង្ហោះបាឡុងចារកម្មរុស្ស៊ីនេះ គឺដើម្បីស្វែងរក និងបំផ្លាញប្រព័ន្ធការពារដែនអាកាសរបស់អ៊ុយក្រែន។ ប្រសិនបើមិនបាញ់ទម្លាក់បាឡុងនោះទេ រុស្ស៊ីនឹងអាចកំណត់គោលដៅអ៊ុយក្រែនបាន ហើយនឹងបើកការវាយប្រហារកំណត់គោលដៅចុងតាមរយៈយន្តហោះ និងសព្វាវុធផ្សេងទៀត។ ជុំវិញព័ត៌មាននេះ មិនមានការឆ្លើយតបពីរុស្ស៊ីឡើយ៕
ប្រភព៖ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា
