សហរដ្ឋអាម៉េរិក ចុះកិច្ចសន្យាតម្លៃជាង ៥០០លានដុល្លារសម្រាប់ផលិតគ្រាប់ផ្លោងឲ្យអ៊ុយ ក្រែនប្រើជាមួយកាំភ្លើងធំក្នុងសមរភូមិជាមួយរុស្ស៊ី។
![](https://cambodiaflashnews.com/wp-content/uploads/2021/06/top-banner.gif)
កងទ័ពសហរដ្ឋអាម៉េរិកបានចុះហត្ថលេខាលើកិច្ចសន្យាដែលមានតម្លៃ ៥២២ លានដុល្លារអាម៉េរិកជាមួយក្រុមហ៊ុនចំនួនពីរគឺ Northrop Grumman Systems និង Global Military Products សម្រាប់ការផលិតគ្រាប់កាំភ្លើងធំផ្តល់ជូនកងកម្លាំងប្រដាប់អាវុធអ៊ុយក្រែន។ យោងតាមកាសែតអ៊ុយក្រែនប្រាវដា ការបញ្ជាទិញនេះបានធ្វើឡើងបន្ទាប់ពីសហរដ្ឋអាម៉េរិកព្រួយបារម្ភថាអ៊ុយក្រែនអាចនឹងជិតអស់នូវគ្រាប់រំសេវកាំភ្លើងធំបម្រុងប្រើទប់ជាមួយរុស្ស៊ីក្នុងសមរ ភូមិ។
តាមប្រភពដដែល សហរដ្ឋអាម៉េរិកគ្រោងនឹងចាប់ផ្តើមដឹកជញ្ជូនគ្រាប់រំសេវថ្មីនេះនៅខែមីនា។ កិច្ចសន្យានេះត្រូវបានផ្តល់មូលនិធិដោយគំនិតផ្តួចផ្តើមគឺជារបស់មន្ទីរបញ្ចកោណ ក្នុងកិច្ចគាំទ្រដល់សន្តិសុខរបស់អ៊ុយក្រែន៕
ប្រភព៖UKRAINSKA PRAVDA
ប្រភពរូប៖UKRAINSKA PRAVDA
ប្រែសម្រួល៖សុខ តុលា