ភ្នំពេញ៖ថ្លែងក្នុងពិធីបើកសន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ នៅថ្ងៃទី ១៥ កុម្ភៈ ២០២៣ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន បានស្នើសុំឱ្យក្រុមហ៊ុនដែលកំពុងសិក្សាលទ្ធភាពសាងសង់គម្រោងផ្លូវល្បឿនលឿនភ្នំពេញ-សៀមរាប ជួយពន្លឿនការងារឱ្យបានលឿនតាមដែលអាចធ្វើទៅបាន ដើម្បីឈានទៅចុះហត្ថលេខាលើអនុស្សរណៈយោគយល់គ្នា យ៉ាងយូនៅខែកញ្ញា ឆ្នាំ២០២៣នេះ។
![](https://cambodiaflashnews.com/wp-content/uploads/2021/06/top-banner.gif)
បច្ចុប្បន្នមានក្រុមហ៊ុនចំនួន៤ កំពុងសិក្សាលើគម្រោងសាងសង់ផ្លូវល្បឿនលឿនរាជធានីភ្នំពេញ-ខេត្តសៀមរាប។
សូមជម្រាបថា ផ្លូវល្បឿនលឿនរាជធានីភ្នំពេញ ទៅខេត្តសៀមរាប នេះ គឺជាផ្លូវដែលចំណាយពេលវេលាតិចជាងមុន ខណៈផ្លូវល្បឿនលឿននេះ ក៏នឹងជួយសេដ្ឋកិច្ចកម្ពុជា ឱ្យមានការរីកចម្រើនថែមមួយកម្រិតទៀតផងដែរ៕ដោយៈសុភក្ត្រា