ភ្នំពេញ៖ម្ចាស់បានឃាត់ខ្លួនជនសង្ស័យម្នាក់ប្រគល់ឱ្យសមត្ថកិច្ច ក្រោយពីបុរសរូបនោះធ្វើសកម្មភាពលួចកាច់សោ.កម៉ូតូរួចបណ្តើរយកចេញតែមិនបានសម្រេច។ករណីបង្កការភ្ញាក់ផ្អើលនេះនៅភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ កាលពីរសៀលថ្ងៃទី១៥ ខែកុម្ភៈ។
![](https://cambodiaflashnews.com/wp-content/uploads/2021/06/top-banner.gif)
មន្ត្រីនគរបាលបានឱ្យដឹងថា ជនសង្ស័យឈ្មោះចាន់ ធា អាយុ២៣ឆ្នាំ ជាកម្មករសំណង់ កន្លែងកំណើតនៅស្រុកត្រាំកក់ ខេត្តតាកែវ។ ចំណែកជនរងគ្រោះជាម្ចាស់ម៉ូតូឈ្មោះសុខ សំណាង ភេទស្រី អាយុ២០ឆ្នាំ ជាអ្នកលក់មាន់ មានស្រុកកំណើតនៅស្រុកបសេដ្ឋ ខេត្តកំពង់ស្ពឺ។
មុនករណីនេះកើតឡើង ម្ចាស់បានទុកម៉ូតូម៉ាកហុងដាឌ្រីម ផ្លាកលេខតាកែវ1X-8509 នៅមុខបន្ទប់ជួល។ បន្ទាប់មកស្រាប់តែជនសង្ស័យម្នាក់បានដើរចូលទៅកាច់សោ.ករួចអូសម៉ូតូប្រុង ជិះចេញ។ភ្លាមនោះម្ចាស់ឃើញទាន់ក៏បានស្រែកឡើងបង្កការភ្ញាក់ផ្អើលដល់អ្នកជិតខាងជួយដេញចាប់បានភ្លាមៗនិងយកប្រគល់ឱ្យសមត្ថកិច្ច។
បន្ទាប់មកសមត្ថកិច្ចបានសាកសួរជនសង្ស័យ និងកសាងសំណុំរឿងបញ្ជូនទៅផ្នែកព្រហ្មទណ្ឌដើម្បីបន្តនីតិវិធី៕ដោយ៖វិចិត្រ