ភ្នំពេញ៖កម្លាំងនគរបាល នៅថ្ងៃទី១៦ ខែកុម្ភៈនេះ បាននាំជនសង្ស័យ៦នាក់ ចំណោមបក្ខពួក១០នាក់ ករណីយកដុំថ្មគប់និងប្រើកាំបិតប៉័ងតោកាប់ជនរងគ្រោះឱ្យរងរបួសទៅតុលាការ។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឱ្យដឹងថា ជនសង្ស័យចំនួន៦នាក់ចំណោមបក្ខពួក១០នាក់ ពាក់ព័ន្ធយកដុំថ្មគប់ និងប្រើកាំបិតប៉័ងតោកាប់បណ្តាលឱ្យមានអ្នករងរបួស ត្រូវកម្លាំងនគរបាលរាជធានីភ្នំពេញបានចុះស្រាវជ្រាវរកមុខសញ្ញា។ នៅថ្ងៃទី១០ ខែកុម្ភៈ បានឃាត់ខ្លួនជនសង្ស័យចំនួន៦នាក់ប្រព្រឹត្តនៅកន្លែងលក់ហ្វឺ ក្នុងខណ្ឌបឹងកេងកង។ជនរងគ្រោះឈ្មោះ លី ហុងភាវ ស្នាក់នៅភូមិធម្មត្រី សង្កាត់ព្រៃស ខណ្ឌដង្កោ ជាសិស្ស។
ចំណែកជនសង្ស័យ-ឈ្មោះ នឿន ផាន់ណា-ផាន់សៀងហៃ-អានឆាយម៉ិញ-ឃុនកូវីអរុណពន្លឺ-ឡូតសំណាង និងឈ្មោះ ជូជៀវហាវ។ពួកគេជាសិស្ស ស្នាក់នៅសង្កាត់អូរឫស្សី២-សង្កាត់មនោរម្យ-ខណ្ឌ៧មករា រាជធានីភ្នំពេញ។សម្ភារវត្ថុតាងចាប់បានម៉ូតូម៉ាកហុងដាស្កុបពីផ្លាកលេខ ភ្នំពេញ1JQ-1938 និងម៉ូតូម៉ាកនិច ផ្លាកលេខកំពង់ចាម1U-2641។
បច្ចុប្បន្នជនសង្ស័យ និងវត្ថុតាងត្រូវកម្លាំងជំនាញកសាងសំណុំរឿងនាំខ្លួនទៅតុលាការដើម្បីចាត់ការតាមច្បាប់៕ដោយ៖វិចិត្រ