រតនគិរី៖កម្លាំងនគរបាលប្រឆាំងគ្រឿងញៀនខេត្តរតនគិរី បានឃាត់ខ្លួនសិស្សសាលាម្នាក់ ជាមួយកញ្ឆាស្ងួតទម្ងន់ជាងកន្លះគីឡូក្រាម និងកញ្ឆាស្រស់២៧ដើមបញ្ជូនទៅតុលាការ។
សមត្ថកិច្ចបានឱ្យដឹងថា កាលពីរសៀលថ្ងៃទី១៣ ខែកុម្ភៈ កម្លាំងនគរបាលប្រឆាំងគ្រឿងញៀន ខេត្តរតនគិរី បានចុះបង្ក្រាបករណីលាក់ទុកកញ្ឆាស្ងួតនិងស្រស់នៅផ្ទះចាំចម្ការមួយកន្លែង ស្ថិតក្នុងភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី។
ក្នុងប្រតិបត្តិការ កម្លាំងបានឃាត់ខ្លួនជនសង្ស័យម្នាក់ឈ្មោះវិន ពិរិទ្ធ អាយុ១៦ឆ្នាំ ជាសិស្សសាលាក្នុងខេត្តរតនគិរី។ក្នុងនោះរឹបអូសវត្ថុតាងមាន-កញ្ឆាស្ងួតទម្ងន់៥៧៣,៩៦ក្រាម-កញ្ឆាស្រស់២៧ដើម-សម្ភារពាក់ព័ន្ធបទល្មើសមួយចំនួន។ក្រោយពីឃាត់ខ្លួនជនសង្ស័យរួមទាំងវត្ថុតាងត្រូវបានផ្នែកប្រឆាំងគ្រឿងញៀនកសាងសំណុំរឿងបញ្ជូនទៅតុលាការដើម្បីចាត់ការតាមច្បាប់៕ដោយ៖វិចិត្រ
