អ៊ុយក្រែនរាយការណ៍មកនៅថ្ងៃសុក្រនេះថា រុស្ស៊ីបានបើកការវាយប្រហារតាមអាកាស ចំនួន ១៧ដងត្រឹមរយៈពេល ១ម៉ោងប៉ុណ្ណោះ នៅក្នុងទីក្រុង Zaporizhzhia ភាគអាគ្នេយ៍។
![](https://cambodiaflashnews.com/wp-content/uploads/2021/06/top-banner.gif)
យោងតាមប្រភពAnatolii Kurtiev ជាលេខាធិការនៃក្រុមប្រឹក្សាក្រុង Zaporizhzhia អ៊ុយក្រែន ផ្សាយនៅលើបណ្តាញសារ Telegram បានឲ្យដឹងថា កងកម្លាំងរុស្ស៊ីបានធ្វើការវាយប្រហារតាមផ្លូវអាកាសដ៏ធំមួយលើទីក្រុង Zaporizhzhia នៅយប់ថ្ងៃទី ៩-១០ ខែកុម្ភៈ ដោយវាយលុកចំនួន១៧ ដងក្នុងរយៈពេលត្រឹមមួយម៉ោង។ នៅក្នុងការវាយប្រហារនេះ លោក Kurtiev ថា កងកម្លាំងរុស្ស៊ីបានកំណត់គោលដៅផ្ទាល់លើហេដ្ឋារចនាសម្ព័ន្ធថាមពល ទោះបីព័ត៌មានអំពីទំហំនៃការបំផ្លិចបំផ្លាញ និងចំនួនអ្នកស្លាប់នៅមិនទាន់ត្រូវបានបញ្ជាក់នៅឡើយទេ។
Zaporizhia គឺជាទីក្រុងមួយស្ថិតនៅលើដងទន្លេ Dnieper នៅភាគអាគ្នេយ៍នៃប្រទេសអ៊ុយក្រែនជាប់នឹងតំបន់កំពង់ផែឃើសន និងតំបន់ដុនបាស សមរភូមិភាគខាងកើត។ តំបន់នេះក៏ត្រូវបានរុស្ស៊ីធ្វើប្រជាមតិដាក់បញ្ចូលដែរ ទោះបីបច្ចុប្បន្នភាពទ័ពរុស្ស៊ីមិនទាន់វាយដណ្តើមបានក៏ដោយ៕
ប្រភព៖Ukrainska Pravda
ប្រភពរូប៖Ukrainska Pravda
ប្រែសម្រួល៖សុខ តុលា