ក្រចេះ៖ ស្ត្រីម្នាក់ស្រវឹងស្រាដើរទៅពន្លត់ភ្លើងកំពុងឆេះព្រៃ បណ្តាលឱ្យដួលស្លាប់នៅក្បែរផ្ទះចាំចម្ការម្តុំអូរកាច់ច្រវាក់ ភូមិស្វាយចេក ឃុំកោះខ្ញែរ ស្រុកសំបូរ ខេត្តក្រចេះ នារសៀលថ្ងៃទី១០ ខែកុម្ភៈ។
![](https://cambodiaflashnews.com/wp-content/uploads/2021/06/top-banner.gif)
មន្ត្រីនគរបាលស្រុកសំបូរបានឱ្យដឹងថា ក្រោយពីទទួលបានព័ត៌មានភ្លាមៗ កម្លាំងនគរបាលប៉ុស្តិ៍រដ្ឋបាលកោះខ្ញែរ បានចុះទៅដល់កន្លែងដើម្បីត្រួតពិនិត្យសាកសព។តាមការពិនិត្យជុំវិញកន្លែងកើតហេតុឃើញថា ស្ត្រីរងគ្រោះឈ្មោះម៉ិច ធា អាយុ៤៧ឆ្នាំ នៅភូមិស្វាយចេក ឃុំកោះខ្ញែរ ស្រុកសំបូរ ខេត្តក្រចេះ។
ស្រ្តីរូបនោះបានស្លាប់ដោយស្រវឹងស្រាហើយដើរទៅពន្លត់ភ្លើងកំពុងព្រៃឆេះ បណ្តាលឱ្យដួលស្លាប់នៅនឹងកន្លែងនោះតែម្តង។បន្ទាប់មកនគរបាលប៉ុស្តិ៍រដ្ឋបាលបានប្រគល់សពជូនទៅក្រុមគ្រួសារយកធ្វើបុណ្យ៕ដោយ៖វីរ