ភ្នំពេញ៖រថយន្តធំដឹកដែកសំណាញ់កំពុងបើកលឿន បានគេចពីឧបសគ្គខាងមុខកាច់ចង្កូតបង្ខំបណ្តាលឱ្យក្រឡាប់ តែមិនបង្កគ្រោះថ្នាក់ដល់ជីវិតមនុស្សទេ។ ករណីខាងលើបង្កឱ្យមានការភ្ញាក់ផ្អើលនៅតាមផ្លូវជាតិលេខ១ ម្តុំស្តុបវត្តនិរោធ ក្នុងសង្កាត់និរោធ ខណ្ឌច្បារអំពៅ កាលពីល្ងាចថ្ងៃទី៩ ខែកុម្ភៈ។
មន្តី្រប្រចាំគោលដៅបានឱ្យដឹងថា រថយន្តធំបង្កគ្រោះថ្នាក់ដោយខ្លួនឯងនេះផ្លាកលេខភ្នំពេញ3D-7947 អ្នករួមដំណើរ២នាក់។
មុនកើតហេតុ រថយន្តបើកចេញពីផ្លូវបេតុងឡើងទៅលើផ្លូវជាតិលេខ១ហើយបត់ឆ្វេងបំណងទៅឡើងស្ពានព្រះមុន្នីវង្ស។ពេលនោះរថយន្តកំពុងលឿនជួបឧបសគ្គខាងមុខក៏កាច់ចង្កូតបង្ខំបណ្តាលឱ្យរថយន្តក្រឡាប់តែម្តង ដោយមិនមានប៉ះពាល់ដល់ទ្រព្យសម្បត្តិសាធារណៈនិងមិនបណ្តាលឱ្យមនុស្សរងគ្រោះថ្នាក់ឡើយ។
បន្ទាប់មកតៃកុងបានចេញពីរថយន្តហើយរត់គេចខ្លួនបាត់នៅតែមនុស្ស២នាក់ ត្រូវសមត្ថកិច្ចឃាត់ខ្លួនសាកសួរដើម្បីទំនាក់ទំនងទៅខាងក្រុមហ៊ុនឱ្យមកដោះស្រាយ៕ដោយ៖វិចិត្រ
