រដ្ឋាភិបាលចិនទីក្រុងប៉េកាំងបានថ្កោលទោសសម្ដីមើលងាយរបស់លោកប្រធានាធិបតីអាម៉េរិកចូបៃដិន ដាក់មកលើមេដឹកនាំខ្លួនលោកស៊ីជីនពីង ចំពេលទំនាក់ទំនងតានតឹងរឿង បាឡុងកំពុងកើតមានស្រាប់។
![](https://cambodiaflashnews.com/wp-content/uploads/2021/06/top-banner.gif)
ក្នុងការកត់សម្គាល់ថ្កោលទោសប្រាប់សន្និសីទសារព័ត៌មានកាលពីថ្ងៃព្រហស្បតិ៍ នៅទីក្រុង ប៉េកាំង អ្នកនាំពាក្យក្រសួងការបរទេសចិន លោកស្រី Mao Ning បានសំដែងការ “មិនពេញចិត្តយ៉ាងខ្លាំង” ចំពោះសម្ដីរបស់លោកចូបៃដិន ដែលបាននិយាយដាក់លោកស៊ីជីនពីង ប្រមុខបក្សកុម្មុយនីស្តចិន និងជាប្រធានាធិបតីចិនក្នុងបទសម្ភាសន៍ជាមួយ PBS NewsHour ថាកំពុងជាប់គាំងក្នុងវិបត្តិដ៏ធំមួយ រួមទាំងសេដ្ឋកិច្ចផងនោះ។ អ្នកនាំពាក្យថា “ប្រភេទនៃវោហារសាស្ត្រពីសហរដ្ឋអាម៉េរិកនេះ គឺគ្មានការទទួលខុសត្រូវទាល់តែសោះ ហើយវាផ្ទុយទៅនឹងក្រមសីលធម៌ការទូតជាមូលដ្ឋាន” ដោយបន្ថែមថាទីក្រុងប៉េកាំង “ប្រឆាំងយ៉ាងម៉ឺងម៉ាត់ចំពោះរឿងនេះ”។
នៅក្នុងបទសម្ភាសន៍ជាមួយ PBS បៃដិនបាននិយាយថា ការសម្រេចចិត្តបាញ់ទម្លាក់បាឡុងចិនគឺជារឿងត្រឹមត្រូវ តែអាម៉េរិកមិនមែនចង់ស្វែងរកជម្លោះណាមួយជាមួយចិនទេ។ ឃ្លាចុងក្រោយប៉ុន្មានម៉ាត់ បៃដិនបាននិយាយទៀតថា “លោក Xi មាន “បញ្ហាដ៏ធំ” រួមទាំង “សេដ្ឋកិច្ចដែលមិនដំណើរការល្អ” ។ “តើអ្នកអាចគិតពីមេដឹកនាំពិភពលោកផ្សេងទៀតដែលកំពុងធ្វើពាណិជ្ជកម្មជាមួយ Xi Jinping បានទេ?
ជម្លោះវោហារសាស្ត្រចុងក្រោយបង្អស់រវាងសហរដ្ឋអាម៉េរិកនិងចិននេះ បានកើតឡើងបន្ទាប់ពីការបាញ់ទម្លាក់បាឡុងរបស់ចិនកាលពីសប្តាហ៍មុនដោយយន្តហោះចម្បាំង F22អាម៉េរិក ក្នុងដែនអាកាសរបស់សហរដ្ឋអាម៉េរិក៕
ប្រភព៖AFP
ប្រភពរូប៖AFP
ប្រែសម្រួល៖សុខ តុលា