ភ្នំពេញ៖តុលាការភ្នំពេញ រសៀលថ្ងៃទី៨ ខែកុម្ភៈ បានបើកសវនាការលើជនជាប់ចោទ៤នាក់នឹងប្រកាសសាលក្រមផ្តន្ទាទោសនៅថ្ងៃទី២០ ខែកុម្ភៈខាងមុខ លើរឿងគ្រឿងញៀនជាង២០គីឡូក្រាម។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឱ្យដឹងថា ជនជាប់ចោទប្រុសស្រី៤នាក់ ប្រព្រឹត្តករណីដឹកជញ្ជូននិងជួញដូរគ្រឿងញៀនជាង២០គីឡូក្រាម ធ្វើឡើងនៅម្តុំបុរីចម្ការដូង ខណ្ឌដង្កោ និងខេត្តពោធិ៍សាត់។ ជនជាប់ចោទឈ្មោះលឹម ម៉េងបូរ៉ា អាយុ៣៨ឆ្នាំ, វ៉ាម៉េងគង់ អាយុ៣០ឆ្នាំ, ហ៊ីមឆេងហួរសុដាវី ភេទស្រី អាយុ២០ឆ្នាំ, គង់សុគន្ធារី ភេទស្រី អាយុ៣៧ឆ្នាំ។
សូមបញ្ជាក់ថា កាលពីល្ងាចថ្ងៃទី១៦ ខែមីនា ឆ្នាំ២០២២កន្លងទៅ ផ្នែកជំនាញមន្ទីរប្រឆាំង គ្រឿងញៀនក៩-នគរបាលភ្នំពេញ និងនគរបាលខេត្តកណ្តាល បានបង្ក្រាបបទល្មើសគ្រឿងញៀនលើ២គោលដៅ។ទី១-នៅខណ្ឌដង្កោ ចាប់ជនសង្ស័យ២នាក់ និងគ្រឿងញៀនប្រមាណជាង២០គីឡូក្រាម។
ទី២-ខែឆ្នាំដដែល នៅសង្កាត់កំពង់សំណាញ់ ក្រុងតាខ្មៅ ខេត្តកណ្តាល ចាប់ជនសង្ស័យ២នាក់ដកហូតវត្ថុតាងប្រភេទHEROIN ចំនួន៦០បន្ទះ-អាវុធខ្លី១ដើមម៉ាកឡុង១៩- មធ្យោបាយធ្វើសកម្មភាពរថយន្តម៉ាកព្រូស១គ្រឿង។ តាមមាត្រា៤០ នៃច្បាប់ស្តីពីការត្រួតពិនិត្យគ្រឿងញៀន បទរក្សាទុក ដឹកជញ្ជូន ផលិតនិងចរាចរណ៍ដោយខុសច្បាប់ ត្រូវផ្តន្ទាទោសពី២០ឆ្នាំទៅ៣០ឆ្នាំ ឬអស់មួយជីវិត៕ដោយ៖វិចិត្រ