ភ្នំពេញ៖ខេត្តកំពង់ស្ពឺស្ថិតនៅចន្លោះប៉ូលសេដ្ឋកិច្ចធំពីរគឺរាជធានីភ្នំពេញ និងខេត្តព្រះសីហនុ។ទូទាំងខេត្តមានមានរោងចក្រសហគ្រាសតូចធំចំនួន៣៨៣កន្លែងដែលជាប្រភពការងារបង្កើតប្រាក់ចំណូលដល់ប្រជាពលរដ្ឋក្នុងខេត្ត។ក្នុងនោះវិស័យវាយនភ័ណ្ឌកាត់ដេរសម្លៀក បំពាក់និងស្បែកជើងចំនួន ១៨៩កន្លែង មានកម្មករនិយោជិតសរុប ១៤៥.៣៩៩នាក់ ស្រី ១១០.៨៤៣នាក់។
នេះបើតាមការឱ្យដឹងរបស់លោក វ៉ី សំណាង អភិបាលខេត្តកំពង់ស្ពឺ នៅក្នុងសន្និសីទស្តីពី «ជោគជ័យរយៈពេល ៥ ឆ្នាំ របស់រដ្ឋបាលខេត្តកំពង់ស្ពឺ» ដែលរៀបចំឡើងដោយអង្គភាពអ្នកនាំពាក្យរដ្ឋាភិបាលនៅព្រឹកថ្ងៃទី៩ខែកុម្ភៈ។
លោកអភិបាលខេត្ត បានឱ្យដឹងថា៖កំពង់ស្ពឺ ក៏មានរោងចក្រធុនធំចំនួន២២៩មូលដ្ឋានប្រើប្រាស់កម្លាំងពលកម្មសរុបចំនួន១៣២.៥០ ៣ នាក់ ស្រី ១០២.៨៨៥នាក់ ដោយប្រើប្រាស់ទុនវិនិយោគសរុប ១.៧១៤.៨៣៦.០០០ ដុល្លាសហរដ្ឋ អាមេរិក។ រោងចក្រធុនតូចនិងមធ្យម និងសិប្បកម្មមានចំនួន ១.១៣០មូលដ្ឋាន ទុនវិនិយោគចំនួន ២៦.៤៤៩.៩១០ដុល្ល ប្រើប្រាស់កម្លាំងពលកម្មសរុបចំនួន ១៤.៦២០នាក់ ស្រីចំនួន ៧.៧០០នាក់៕ដោយៈសិរីមតី