បាត់ដំបង៖ករណីបុរសម្នាក់បំផ្ទុះគ្រាប់បែកធ្វើអត្តឃាត បានបន្សល់ទុកលិខិត៣សន្លឹកពាក់ព័ន្ធរឿងស្នេហាត្រីកោណ។ហេតុការណ៍បំផ្ទុះគ្រាប់បែកសម្លាប់ខ្លួននេះ បានបង្កការភ្ញាក់ផ្អើលកាលពីថ្ងៃទី៧ ខែកុម្ភៈ ក្នុងបរិវេណវិមានសពភូមិបែកចានថ្មី សង្កាត់ព្រែកព្រះស្តេច ខេត្តបាត់ដំបង។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឱ្យដឹងថា បុរសពោះម៉ាយម្នាក់ក្រោយធ្វើអត្តឃាតបញ្ចប់ជីវិតខ្លួនឯង កម្លាំងជំនាញបានរកឃើញកាបូបស្ពាយមួយដោយបានបន្សល់ទុកនូវលិខិតចំនួន៣សន្លឹកជារបស់ជនអត្តឃាត។ គឺជាពន្លឺបញ្ជាក់ពីអត្តសញ្ញាណពិតប្រាកដ និងហេតុផលនៃការសម្រេចចិត្តខ្លីបញ្ចប់ជីវិតខ្លួនឯងទាំងមិនអាល័យកូនតូចប្រុសម្នាក់ផ្ញើនឹងសាច់ញាតិ។
អត្តឃាតជនឈ្មោះចិន ធុរ៉េន អាយុ ២៣ឆ្នាំ ជាបុរសពោះម៉ាយ មានកូនមួយ និងជាបុគ្គលិកបម្រើការងារនៅក្នុងភោជនីយដ្ឋានមួយនាក្រុងប៉ោយប៉ែត។ បុរសពោះម៉ាយខាងលើ មានទំនាក់ជាមួយស្ត្រីម្នាក់ឈ្មោះ ដាវ៉ាន់ អាយុជាង ២០ឆ្នាំ ជាមេម៉ាយកូន២។
ក្រោយមកនាងដាវ៉ាន់ ងាកទៅរកអតីតប្តីដើមរបស់នាងវិញ ធ្វើឱ្យប៉ះទង្គិចផ្លូវចិត្តរបស់អត្តឃាតជនជាខ្លាំងម្តងជាពីរដងរហូតដកខ្លួនគេចរសាត់អណ្តែតមកដល់ខេត្តបាត់ដំបង និងសម្រេចចិត្តគិតខ្លីនៅទីតាំងកើតហេតុតែម្តង៕ដោយ: ព្រះអង្គខ្មៅ