ភ្នំពេញ៖មន្ត្រីយោធាស័ក្តិ៤ម្នាក់ បានជិះម៉ូតូទំនងទាក់ខ្សែភ្លើងធ្លាក់កាត់ផ្លូវ បណ្តាលឱ្យដួល បោកក្បាលស្លាប់មួយរំពេចយ៉ាងអាណោចអាធ័ម។គ្រោះថ្នាក់នេះស្ថិតនៅតាមផ្លូវ១៨០០ ក្នុងសង្កាត់ទួលសង្កែ២ ខណ្ឌឫស្សីកែវ កាលពីវេលាទៀបភ្លឺថ្ងៃទី៧ ខែកុម្ភៈ។
![](https://cambodiaflashnews.com/wp-content/uploads/2021/06/top-banner.gif)
ជនរងគ្រោះបង់ជីវិតឈ្មោះ ប៊ុន ហៀប អាយុ២៨ឆ្នាំ ជាមន្ត្រីយោធាឋានន្តរស័ក្ដិវរសេនីយ៍ត្រី។
អ្នកស្គាល់បុរសដែលស្លាប់បានឱ្យដឹងថា មុនកើតហេតុ ជនរងគ្រោះបានជិះម៉ូតូធំផ្លាកលេខភ្នំពេញ1JS- 7154 ធ្វើដំណើរតាមផ្លូវលេខ១៨០០ ពីជើងទៅត្បូងបំណងចូលរួមបុណ្យមិត្តភក្តិ ។មកដល់កន្លែងខាងលើអាចទាក់នឹងខ្សែភ្លើងធ្លាក់កាត់ផ្លូវ ទើបបណ្ដាលឱ្យដួលបោកក្បាលអូសជាច្រើនម៉ែត្រស្លាប់ភ្លាមៗតែម្ដង ។ បន្ទាប់មកកម្លាំងនគរបាលប៉ុស្តិ៍ទួលសង្កែ២ បានចុះ ពិនិត្យនិងប្រគល់សពឱ្យក្រុមគ្រួសារយកទៅធ្វើបុណ្យ៕ដោយ៖វិចិត្រ