ក្រុមយោធាអ៊ុយក្រែនបានមកដល់ចក្រភពអង់គ្លេសហើយនាពេលថ្មីៗនេះ ដើម្បីហ្វឹកហាត់ប្រព័ន្ធកាំភ្លើងធំស្វ័យប្រវត្តិ AS90 ដែលគ្រោងនឹងយកចូលវាយក្នុងសមរភូមិជាមួយរុស្ស៊ី។
![](https://cambodiaflashnews.com/wp-content/uploads/2021/06/top-banner.gif)
ក្រសួងការពារជាតិនៃចក្រភពអង់គ្លេស បាននិយាយលើប្រព័ន្ធផ្សព្វផ្សាយសង្គមធ្វីតធ័រ ថា “ស្វាគមន៍យ៉ាងកក់ក្តៅចំពោះបុគ្គលិកយោធាអ៊ុយក្រែនដែលបានមកដល់ចក្រភពអង់គ្លេសនៅចុងសប្តាហ៍នេះ ដើម្បីមកទទួលការបណ្តុះបណ្តាលលើប្រព័ន្ធ AS90 ។ AS90 គឺជាអាវុធកាំភ្លើងធំរថពាសដែក ដែលចក្រភពអង់គ្លេសកំពុងផ្តល់ជូនដើម្បីជួយអ៊ុយក្រែនការពារមាតុភូមិ និងរំដោះយកទឹកដីពីរុស្ស៊ីមកវិញ។ ចំពោះពេលវេលាបញ្ចប់នៃការបណ្តុះបណ្តាល ប្រភពដដែលមិនបានបញ្ជាក់ប្រាប់នោះទេ។
ការមកដល់ថ្មីនៃក្រុមយោធាអ៊ុយក្រែន គឺជាលើកទី២ហើយ បន្ទាប់ពីនៅចុងខែមករា ក្រុមរថក្រោះអ៊ុយក្រែនបានមកដល់ចក្រភពអង់គ្លេស ដើម្បីហ្វឹកហាត់លើរថក្រោះ Challenger 2៕
ប្រភព៖Ukrainska Pravda
ប្រភពរូប៖Ukrainska Pravda
ប្រែសម្រួល៖សុខ តុលា