កោះកុង៖បុរសម្នាក់បើករថយន្តទំនើបក្នុងល្បឿនលឿនចុះចំណោតក្រឡាប់ខ្លួនឯង បណ្តាលឱ្យបុរសជនជាតិចិនម្នាក់ស្លាប់ ហើយតៃកុងបានរត់គេចខ្លួនបាត់។
សមត្ថកិច្ចបានឱ្យដឹងថា មុនកើតហេតុ មានរថយន្តម៉ាកតូយ៉ូតា អាល់ហ្វាត ផ្លាកលេខភ្នំពេញ 2BM-9857 តៃកុងបានប្រើល្បឿនលឿនក៏ក្រឡាប់ដោយខ្លួនឯង។ហេតុការណ៍បានកើតឡើងនៅម្តុំចំណោតអូរជ្រៅ ផ្លូវជាតិលេខ៤៨ ស្ថិតក្នុងភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង កាលពីម៉ោង៩យប់ ថ្ងៃទី៥ ខែកុម្ភៈ។
គ្រោះថ្នាក់ចរាចរខាងលើបណ្ដាលឱ្យបុរសជនជាតិចិនម្នាក់ ឈ្មោះ CAI JINHUI អាយុ៣៤ឆ្នាំបានស្លាប់ភ្លាមនៅនឹងកន្លែង។ចំណែកអ្នកបើកបររថយន្តរបួសបន្តិចបន្តួចបានរត់គេចខ្លួនបាត់។សពត្រូវបានសមត្ថកិច្ចនាំយកទៅតម្កល់នៅវត្តសាលាម្នាង រង់ចាំក្រុមគ្រួសារមកទទួលយកទៅធ្វើបុណ្យ៕ដោយ៖វិចិត្រ
