ចិនកើតទុក្ខមិនសុខចិត្ត និងអន្ទះអន្ទែងយ៉ាងខ្លាំង ក្រោយសហរដ្ឋអាម៉េរិកបានសម្រេចចិត្តប្រើមីស៊ីលបាញ់កម្ទេចបាឡុងរបស់ខ្លួនកាលពីចុងសប្តាហ៍កន្លងទៅនេះ។
![](https://cambodiaflashnews.com/wp-content/uploads/2021/06/top-banner.gif)
ក្រសួងការបរទេសរបស់ចិន បានថ្កោលទោសយ៉ាងដាច់អហង្ការចំពោះការបាញ់ទម្លាក់ បាឡុងខ្លួនដោយភាគីអាម៉េរិកកាលពីថ្ងៃសៅរ៍ ថាជាការប្រតិកម្មហួសហេតុជាក់ស្តែង និងជាការរំលោភយ៉ាងធ្ងន់ធ្ងរលើការអនុវត្តអន្តរជាតិ មិនចេះយោគយល់។ ក្រសួងបាននិយាយថា “នឹងរក្សាយ៉ាងម៉ឺងម៉ាត់ចំពោះសិទ្ធិ និងផលប្រយោជន៍ស្របច្បាប់របស់ក្រុមហ៊ុនពាក់ព័ន្ធ រកយុត្តិធម៌មកវិញ រក្សាសិទ្ធិក្នុងការឆ្លើយតបជាចាំបាច់បន្ថែមទៀត”។
ការបាញ់កម្ទេចបាឡុងរបស់ចិន បានកើតឡើងភ្លាមៗបន្ទាប់ពីរដ្ឋាភិបាលសហរដ្ឋអាម៉េរិកបញ្ជាដោយលោកប្រធានាធិបតីចូបៃដិនសម្រេចយល់ព្រម។ បាឡុងនោះត្រូវបានបាញ់ដោយមីស៊ីលល្បឿនលឿនជាងសំឡេងAIM-9X ចេញពីយន្តហោះចម្បាំង F-22 នៅក្នុងរយៈកម្ពស់១៨.៣០០ ម៉ែត្រ ស្មើនឹងប្រមាណ (៦០.០០០ ហ្វីត) ពីលើឆ្នេរសមុទ្រនៃរដ្ឋ South Carolina ។
លោក Biden បាននិយាយនៅរដ្ឋ Maryland ថា “យើងបានបាញ់វាទម្លាក់ដោយជោគជ័យ ហើយខ្ញុំពិតជាសរសើរអ្នកអាកាសចរណ៍របស់យើងដែលធ្វើវាបាន”។ រដ្ឋមន្ត្រីការពារជាតិអាម៉េរិក លោក Lloyd Austin បានហៅប្រតិបត្តិការនេះថាជា “សកម្មភាពដោយចេតនា និងស្របច្បាប់” ជាលទ្ធផលនឹង “ការរំលោភលើអធិបតេយ្យភាពរបស់អាម៉េរិកដែលមិនអាចទទួលយកបាន” ពីប្រទេសចិន។ Austin “ថាបាឡុងនេះត្រូវបានចិនប្រើប្រាស់ក្នុងការប៉ុនប៉ងដើម្បីឃ្លាំមើលទីតាំងយុទ្ធសាស្ត្រក្នុងទ្វីបអាម៉េរិក” មិនមែនមើលឧតុនិយមអ្វីដូចចិនលើកឡើងនោះទេ៕
ប្រភព៖REUTERS
ប្រភពរូប៖REUTERS
ប្រែសម្រួល៖សុខ តុលា