កំពង់ស្ពឺ៖គ្រោះថ្នាក់ចរាចរដ៏កម្ររវាងម៉ូតូក្មួយបង្កើតនិងម៉ូតូម្តាយមីង បានបុកគ្នាពេញទំហឹង បណ្តាលឱ្យអ្នកទាំង២ស្លាប់យ៉ាងអាណោចអាធ័ម។ហេតុការណ៍យ៉ាងរន្ធត់ខាងលើបានកើតឡើងលើផ្លូវលេខ១៤០ ភូមិត្រពាំងខ្យង ឃុំត្រពាំងគង ស្រុកសំរោងទង ខេត្តកំពង់ស្ពឺ កាលពីរសៀលថៃ្ងទី៥ ខែកុម្ភៈ។
មន្ត្រីប្រចាំគោលដៅបានឱ្យដឹងថា គ្រោះថ្នាក់ចរាចរនោះរវាងម៉ូតូម៉ាកស្កូពី ផ្លាកលេខភ្នំពេញ1GF-9021 បើកបរដោយស្ត្រីឈ្មោះ ថែម គន្ធា អាយុ ៤២ឆ្នាំ នៅឃុំរលាំងចក ស្រុកសំរោងទង ខេត្តកំពង់ស្ពឺ។ម៉ូតូនេះបានបុកជាមួយម៉ូតូម៉ាកអ៊ិចស៊ិនទ័រ គ្មានផ្លាកលេខ បើកបរដោយក្មេងប្រុសឈ្មោះវែង ចាន់នី អាយុ១៨ឆ្នាំ នៅភូមិ ឃុំជាមួយគ្នាមកពីមុខពេញទំហឹងបណ្ដាលឱ្យស្លាប់ទាំង២នាក់។
តាមការអះអាងពីអ្នកភូមិបានបញ្ជាក់ថា ខាងស្ត្រីរងគ្រោះជាម្តាយមីង រីឯខាងប្រុសជាក្មួយបង្កើត។ក្រោយពីគ្រោះថ្នាក់យ៉ាងចៃដន្យនេះ សមត្ថកិច្ចបានចុះចាត់ការតាមនីតិវិធី និងប្រគល់សពឱ្យក្រុមគ្រួសារយកទៅធ្វើបុណ្យ៕ដោយ៖វិចិត្រ
