មណ្ឌលគិរី៖ អ្នកបើកគ្រឿងចក្រប្រភេទអាប៊ុលឈូសដីបានស្លាប់ភ្លាមៗ បន្ទាប់ពីអាប៊ុលរលត់តៃកុងបានចុះពិនិត្យ ហើយបុរសម្នាក់ទៀតកាច់សោបញ្ឆេះកិនស្លាប់តែម្តង។ហេតុការណ៍នេះកើតឡើងនៅក្រុមហ៊ុនចម្ការកៅស៊ូមួយក្នុងភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី កាលពីថ្ងៃទី៣ ខែកុម្ភៈ។ សមត្ថកិច្ចឱ្យដឹងថា បុរសដែលស្លាប់ឈ្មោះលន់ សុខលី អាយុ៤៤ឆ្នាំ ស្នាក់នៅភូមិសង្កាត់ខាងលើ។
![](https://cambodiaflashnews.com/wp-content/uploads/2021/06/top-banner.gif)
មុនកើតហេតុ ជនរងគ្រោះឈ្មោះលន់ សុខលី បានបើកអាប៊ុលឈូសដីចម្ការកៅស៊ូ ស្រាប់តែ អាប៊ុលរលត់ម៉ាស៊ីន។ពេលនោះតៃកុងបានចុះដើម្បីសប់ប្រេងដែលសង្ស័យរលត់មកពីស្ទះប្រេង។កំពុងសប់ប្រេង ឈ្មោះលន់ សុខលីក៏បានស្រែកហៅបុរសម្នាក់ទៀតមកជួយកាច់សោដើម្បីបញ្ឆេះ ហើយខ្លួនកំពុងសប់ប្រេង។
បន្ទាប់មកបុរសរូបនោះបានឡើងបញ្ឆេះរួចម៉ាស៊ីនក៏ដំណើរការ អាប៊ុលវិលកង់ទៅមុខកិនជនរងគ្រោះឈ្មោះលន់សុខលីស្លាប់ភ្លាមតែម្ដង។ក្រោយកើតហេតុ នគរបាលក្រុងសែនមនោរម្យជាមួយនគរបាលប៉ុស្ដិ៍សុខដុម បានចុះពិនិត្យនិងប្រគល់សពជូនក្រុមគ្រួសារយកទៅធ្វើបុណ្យ៕ដោយ៖វិចិត្រ