ភ្នំពេញ៖សមត្ថកិច្ចជំនាញបានចុះបង្រា្កបទីតាំងម៉ាស្សាកោសជប់ចំនួន២កន្លែងសង្ស័យបង្កប់សេវាកម្មជួញដូរផ្លូវភេទ ឃាត់ខ្លួនម្ចាស់ហាង២នាក់ និងត្រៀមបញ្ជូនទៅតុលាការ។
មន្ត្រីក្នុងប្រតិបត្តិការបានឱ្យដឹងថា ទីតាំងហាងម៉ាស្សាកោសជប់ចំនួន២កន្លែងសង្ស័យបង្កប់សេវាកម្មជួញដូរផ្លូវភេទនោះត្រូវបានកម្លាំងនាយកដ្ឋានប្រឆាំងការជួញដូរមនុស្សនិងការពារអនីតិជនបានចុះបង្រា្កបកាលពីយប់ថ្ងៃទី៣០ ខែមករា ស្ថិតនៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
ជាលទ្ធផល កម្លាំងជំនាញបានឃាត់ខ្លួនម្ចាស់ហាង២នាក់និងក្មេងស្រីរងគ្រោះ៨នាក់ ក្នុងនោះមាន៣នាក់ជាអនីតិជន ជាមួយវត្ថុតាងស្រោមអនាម័យមួយចំនួន។បន្ទាប់ពីត្រួតពិនិត្យនិងឃាត់ខ្លួន កម្លាំងជំនាញបាននាំជនសង្ស័យនិងជនរងគ្រោះទៅអគ្គស្នងការដ្ឋាននគរបាលជាតិ ដើម្បីបន្តនីតិវិធី៕ដោយ៖វិចិត្រ
