កំពង់ធំ៖អគ្គិភ័យបង្កពីការអុចទៀនហើយរលំបណ្តាលឱ្យឆេះកុដិលោកមួយខ្នងជាមួយសម្ភារមួយចំនួនអស់គ្មានសល់ ។ហេតុការណ៍នេះបានកើតឡើងនៅវត្តស្វាយកាល់ ឃុំកកោះ ស្រុកសន្ទុក ខេត្តកំពង់ធំ កាលពីថ្ងៃទី៣០ ខែមករា។
![](https://cambodiaflashnews.com/wp-content/uploads/2021/06/top-banner.gif)
ប្រជាពលរដ្ឋបានឱ្យដឹងថា មូលហេតុកើតមានអគ្គិភ័យខាងលើនេះបណ្តាលមកពីអុចទៀនចោល។ក្រោយមកទៀននោះបានរលំឆេះសក្ការបូជាក៏រាលដាលឆេះកុដិមួយខ្នងសង់ពីឈើ ប្រក់ក្បឿងទំហំ៤ម៉ែត្រគុណ៨ម៉ែត្រជាមួយសម្ភារមួយចំនួនខូចខាតអស់ទាំងស្រុង។
ពេលភ្លើងកំពុងឆេះ កម្លាំងនគរបាលខេត្តកំពង់ធំបានចេញរថយន្តពន្លត់អគ្គិភ័យចំនួន៣គ្រឿងបាញ់ទឹកអស់៣រថយន្តភ្លើងបានរលត់នៅថ្ងៃដដែល ហើយមិនបណ្ដាលឱ្យប៉ះពាល់ដល់អ្នកជិតខាងនិងគ្រោះថ្នាក់ដល់មនុស្សទេ៕ដោយ៖វិចិត្រ