ភ្នំពេញ៖ លោក Jesse Choi ប្រធានប្រចាំតំបន់ អាស៊ាននៃក្រុមហ៊ុន សាន់វ៉ា គ្រុប និងជាប្រធានសភាពាណិជ្ជកម្មចិន ហុងកុង ម៉ាកាវ និងជាតំណាងឲ្យលោក បណ្ឌិត Jonathan K.S Choiអគ្គនាយកក្រុមហ៊ុនសាន់វ៉ាគ្រុប និង សហការីព្រមទាំងសមាគមពាណិជ្ជកម្មចិន នៅក្រៅ ប្រទេសចិន ហុងកុង និង ម៉ាកាវបានរៀបចំពិធីជប់លៀងបុណ្យចូលឆ្នាំចិននៅទីស្នាក់ការកណ្ដាលរបស់ក្រុមហ៊ុន សាន់វ៉ាគ្រុប(កម្ពុជា)កាលពីល្ងាចថ្ងៃទី២៧ខែមករា។
នៅក្នុងកម្មវិធីនេះផងដែរ ក៏មានរៀបចំជាការទទួលទាន អាហារពេលល្ងាច រួមទាំងមានការបង្ហាញនូវរបាំវប្បធម៌របស់ប្រពៃណីចិនដូចជា របាំតោនិង នាគ, ល្ខោន អូប៉េរ៉ា ស៊ីឈួន សៀកប្ដូរមុខ និង ការសសេរអក្សរជាគូរ និងពិធីបុណ្យនិទាឃរដូវ តៃជី ជាដើម។
លោក Jesse Choi, ប្រធានប្រចាំតំបន់ អាស៊ាននៃក្រុមហ៊ុន សាន់វ៉ា គ្រុប និងជាប្រធានសភាពាណិជ្ជកម្មចិន ហុងកុង ម៉ាកាវ បានថ្លែងថា៖ ក្នុងនាមជាសមាជិកនៃគណៈកម្មធិកាអចិន្ត្រៃយ៏នៃគណៈកម្មាធិការជាតិនៃសន្និសីទប្រឹក្សានយោបាយប្រជាជនចិន (CPPCC) ប្រធានសភាពាណិជ្ជកម្មទូទៅចិន នៅទីក្រុង ហុងកុង ប្រធានក្រុមប្រឹក្សា Guangdong Hong Kong Macao Greater Bay និងជាសហប្រធាននៃខ្សែក្រវាត់ និងផ្លូវ លោកបណ្ឌិត Jonathan K.S. Choi ដែលជាប្រធានក្រុមហ៊ុន SUNWAH Group និង ជាអ្នកនាំពាក្យ ប្រទេសចិន និង ហុងកុង បានបំផុសគំនិតអស់ជាច្រើនឆ្នាំ ដោយភ្ជាប់និងបង្រួបបង្រួមជនជាតិចិន នៅក្រៅ ប្រទេសជុំវិញពិភពលោក និង រក្សានូវបរិយាកាសផ្លាស់ប្តូរ ជានិច្ចរបស់ មនុស្សជំនាន់ថ្មី។”
ជាមួយគ្នានេះដែរ លោក Jesse Choi ក៏បានសង្កត់ធ្ងន់ថា៖ “ក្នុងនាមជាអ្នកតំណាង ម្នាក់នៃថ្នាក់ដឹកនាំរបស់ជនជាតិចិននៅក្រៅប្រទេស យើងសូមអញ្ជើញជនជាតិចិន-ខ្មែរក្នុងស្រុក និងជនជាតិចិនក្រៅប្រទេសក្នុងប្រទេសកម្ពុជា មកចូលរួមអបអរពិធីបុណ្យនិទាឃរដូវ និងបង្កើនការវិនិយោគរួមគ្នានៅកម្ពុជា»។
តាមទំនៀមទម្លាប់ចិន ឆ្នាំ ២០២៣ គឺជាឆ្នាំទន្សាយ ដែលតំណាងឱ្យភាពរស់រវើក ការកម្សាន្ត ភាព សប្បុរសនិងភាពរហ័សរហួន។ ទោះបីជាសេដ្ឋកិច្ចពិភពលោក មិនទាន់មានស្ថេរភាពក៏ដោយក៏យើងឃើញថាប្រទេសចិនកំពុងបង្ហាញពីសន្ទុះយ៉ាងខ្លាំងក្នុងតំបន់អាស៊ាន ជាពិសេស មានទំនាក់ ទំនងយ៉ាងជិតស្និទ្ធ ជាមួយព្រះរាជាណាចក្រកម្ពុជា។ ក្នុងវិស័យសេដ្ឋកិច្ច និងពាណិជ្ជកម្ម ក៏បានចាប់ផ្តើមរំសាយ ស្រមោលនៃការរាតត្បាត នៃជំងឺកូវីដ-១៩ក្នុងឆ្នាំថ្មី នេះផងដែរដោយបង្ហាញពីការងើបឡើងវិញដ៏រឹងមាំ។ពិធីបុណ្យនិទាឃរដូវ នៅហុងកុង និងម៉ាកាវបានលេចចេញជារូបរាងឡើង វិញដោយភាពរីករាយ និងវិបុលភាព។
ពិធីជប់លៀងអាហារពេលល្ងាចនេះត្រូវបានប្រារព្ធឡើងដោយជោគជ័យហើយជនជាតិចិនក្រៅប្រទេសក្នុងស្រុកបានភ្ជាប់ទំនាក់ទំនងដោយជោគជ័យ។យើងរួបរួមគ្នាដើម្បីជំរុញកិច្ចសហប្រតិបត្តិការឱ្យឈានដល់កម្រិតថ្មីមួយ។ព្រឹត្តិការណ៍នេះក៏ជួយប្រជាជនកម្ពុជាឱ្យយល់អំពីវប្បធម៌ប្រពៃណីបុណ្យ ចូល ឆ្នាំចិនកាន់តែច្រើន ហើយភ្ញៀវទាំងអស់មកពីមជ្ឈដ្ឋាននានា រីករាយបុណ្យចូលឆ្នាំចិននៅកម្ពុជា៕អត្ថបទពាណិជ្ជម្ម