បាត់ដំបង៖សមត្ថកិច្ចចុះស្រាវជ្រាវឆែកឆេរនៅតំបន់ព្រំដែន រកឃើញអ្នកបើកបរចំនួន៥នាក់មានសារធាតុញៀនក្នុងចំណោមមនុស្សជាង៨០០នាក់។
សមត្ថកិច្ចបានឱ្យដឹងថា កាលពីថ្ងៃទី២៦ ខែមករា ឆ្នាំ២០២៣ កម្លាំងចម្រុះខេត្តបាត់ដំបងបានសហការត្រួតពិនិត្យចល័តបង្ការទប់ស្កាត់បង្រ្កាបបទល្មើសគ្រឿងញៀនខុសច្បាប់ដោយបានអនុវត្តនៅក្បែរតំបន់ព្រំដែនចំនួន២គោលដៅក្នុងស្រុកភ្នំព្រឹកខេត្តបាត់ដំបង។
ជាលទ្ធផលនៃយុទ្ធនាការពិនិត្យឆែកឆេរលើគោលដៅទាំង២សរុបលើរថយន្តចំនួន៣៧០គ្រឿង មនុស្សចំនួន៨៣០នាក់ស្រី៤១០នាក់ដោយមានម៉ូតូសរុបចំនួន១៥៨គ្រឿងមនុស្សចំនួន២៣០នាក់ ស្រី១៤០នាក់។ប្រតិបត្តិការខាងលើកម្លាំងនគរបាលបានរកឃើញអ្នកបើកបរក្រោមឥទ្ធិពលនៃគ្រឿងញៀនចំនួន៥នាក់។ក្នុងនោះមានជនជាតិថៃភេទប្រុសម្នាក់។តាមមាត្រា៦៣ នៃច្បាប់ស្តីពីការត្រួតពិនិត្យគ្រឿងញៀន សមត្ថកិច្ចបានកសាងសំណុំរឿងនិងអនុវត្តតាមនីតិវិធី៕ដោយ: ព្រះអង្គខ្មៅ
