មណ្ឌលគិរី៖បុណ្យចូលឆ្នាំថ្មីប្រពៃណីចិន-វៀតណាមភ្ញៀវទេសចរជាតិនិងអន្តរជាតិបានទៅកម្សាន្តនៅខេត្តមណ្ឌលគិរី ជាង១ម៉ឺននាក់ក្នុងរយៈពេល៤ថ្ងៃ។ប៉ុន្តែចំនួននេះមានការថយចុះបើប្រៀបធៀបទៅនឹងឆ្នាំមុន។
ភ្ញៀវទេសចរដែលទៅលេងនៅតាមគោលដៅសំខាន់ៗនោះមានដូចជាភ្នំដោះក្រមុំ ថតរូបអនុស្សាវរីយ៍នៅចំណុចរង្វង់មូលគោព្រៃ ទៅកម្សាន្តនៅសមុទ្រឈើ និងនៅតាមរមណីយដ្ឋានទេសចរណ៍ជាច្រើនកន្លែងទៀតដូចជាទឹកជ្រោះបូស្រាជាដើម។
លោក ស៊ាង សឿន ប្រធានមន្ទីរទេសចរណ៍ខេត្តមណ្ឌលគិរី បានរាយការណ៍ថារយៈពេល៤ថ្ងៃចាប់ពីថ្ងៃទី២១-២៤ ខែមករា ឆ្នាំ២០២៣ ឱកាសបុណ្យចូលឆ្នាំថ្មីប្រពៃណីចិន-វៀតណាម ខេត្តមណ្ឌលគិរី មានអ្នកទេសចរសរុប ១៤,៣៥៦នាក់ ថយចុះ ១០,០៨% ប្រៀបធៀបឆ្នាំ២០២២ មានចំនួន១៥,៩៦៧នាក់ ក្នុងនោះទេសចរជាតិប្រមាណ ១៤,១៣៩នាក់ ថយចុះ ១០,៣០% ទេសចរបរទេសប្រមាណ ២១៧នាក់ កើន ៦,៨៩% ចំណែកសន្តិសុខសណ្ដាប់ធ្នាប់គឺមានភាពល្អប្រសើរ៕ដោយៈផាវី